గాండీవధారి అర్జున ప్రీ-టీజర్‌, హాలీవుడ్‌ రేంజ్‌లో అదిరిపోయే విజువల్స్

గాండీవధారి అర్జున ప్రీ టీజర్ లో ఒక్కో సీన్స్ అండ్ ఒక్కో షాట్ హాలీవుడ్ రేంజ్ లో ఉన్నాయి. ఆ సీన్స్ కు తగ్గట్టుగా మిక్కీ జే మేయర్ ఇచ్చిన బ్యాక్‌గ్రౌండ్‌ మ్యూజిక్ అదే రేంజ్‌లో ఉంది. ఇక త్వరలో దీనికి సంబంధించిన ఫుల్ టీజర్‌ను రిలీజ్ చేయనున్నట్లు మేకర్స్ ప్రకటించారు. ఇక ఆగస్టు 25న ప్రేక్షకుల ముందుకు రానున్న ఈ సినిమాను ఎస్వీసీసీ బ్యానర్ పై బీవీఎస్ఎన్ ప్రసాద్ భారీ బడ్జెట్ తో నిర్మిస్తుండగా.. సాక్షి వైద్య హీరోయిన్ గా నటిస్తోంది. గని సినిమాతో వరుణ్, ఘోస్ట్ సినిమాతో ప్రవీణ్ సత్తారు. ఫ్లాప్ చిత్రాలు చేసి నిరుత్సాహంగా ఉన్నారు. ఈ ఇద్దరికీ ఈ సినిమా చాలా స్పెషల్ అనే చెప్పాలి. అందుకే ఈ సినిమాపై వీరిద్దరు చాలా ఆశలు పెట్టుకున్నారు. మరి ఈ సినిమా ఈ ఇద్దరికీ ఎలాంటి రిజల్ట్ ఇవ్వనుందో చూడాలి.

ప్రత్యేకంగా బాక్సింగ్ శిక్షణ తీసుకుని ఎంతో కష్టపడి చేసిన గని.. రెండో రోజు నుంచే టాక్‌ వినిపించకపోవడంతో వరుణ్‌ తీవ్ర నిరాశలో ఉన్నాడు. ఇక ఈ సినిమా తాలుకూ చేదు జ్ఞాపకాలు మరవకముందే ఎఫ్‌-3 రూపంలో మెగా ప్రిన్స్‌కు మరో కోలుకోలేని దెబ్బ తగిలింది. ఇలా రెండు బ్యాక్‌ బు బ్యాక్‌ డిజాస్టర్‌లతో వరుణ్‌ డీలా పడిపోయాడు. ప్రస్తుతం మనోడి ఆశలన్నీ గాండీవధారి అర్జునపైనే ఉన్నాయి. ఈ సినిమాపై అటు మెగా అభిమానుల్లో ఇటు సినీ లవర్స్‌లో వీర లెవల్లో అంచనాలు ఏర్పడ్డాయి. ఆగస్టు 25న విడుదల కాబోతున్న ఈ సినిమాకు ప్రవీణ్ సత్తారు దర్శకత్వం వహించాడు. ప్రస్తుతం ఈ సినిమా ప్యాచ్‌ వర్క్‌ పూర్తి చేసుకుంటుంది.

లెటెస్ట్‌గా రిలీజైన ప్రీ టీజర్‌ నెక్స్ట్‌ లెవల్లో ఉంది. హాలీవుడ్‌ స్టైల్‌ ఆఫ్‌ మేకింగ్‌ స్పష్టంగా కనిపిస్తుంది. ఈ సారి ప్రవీణ్ సత్తారు అంతకు మించి అనే రేంజ్‌లో వస్తున్నట్లు క్లారిటీ వచ్చేసింది. వేగంగా వెళ్తున్న కారు వెనకాల ఉన్న డిక్కీలో గన్స్‌.. వాటిలోంచి ఒక మిస్సైల్‌ లాంటి గన్‌ తీసుకుని వరుణ్ ప్రత్యర్థులపై దాడి చేయడం.. ప్రీ టీజర్‌లో టీజర్‌ తాలుకూ రిఫరెన్స్‌లు పెట్టి విపరీతమైన అటెన్సన్‌ క్రియేట్‌ చేశాడు ప్రవీణ్‌ సత్తారు. ప్రీ టీజరే ఈ రేంజ్‌లో ఉంటే, టీజర్‌ ఇంకా ఏ రేంజ్‌లో ఉండబోతుందోనని మెగా అభిమానులు ఫుల్‌ ఖుషీ అవుతున్నారు. అవుట్‌ అండ్‌ అవుట్‌ యాక్షన్ ఎంటర్‌టైనర్‌గా తెరకెక్కుతున్న ఈ సినిమాను శ్రీ వెంకటేశ్వరా సినీ చిత్ర బ్యానర్‌పై బీవిఎస్‌ఎన్‌ ప్రసాద్‌ నిర్మిస్తున్నాడు. సహా నిర్మాతగా నాగబాబు వ్యవహరిస్తున్నాడు. మిక్కీ జే మెయర్‌ సంగీతం అందిస్తున్న ఈ సినిమాలో సాక్షీ వైద్య హీరోయిన్‌గా యాక్ట్ చేసింది.