Chiranjeevi : మెగాస్టార్ కి మరో అరుదైన గౌరవం!

Chiranjeevi Gets UAE Golden Visa : రీసెంట్ గానే పద్మ విభూషణ్ అవార్డు అందుకున్న మెగాస్టార్ చిరంజీవికి మరో అరుదైన గౌరవం దక్కింది. తాజాగా ఆయన యునైటెడ్ అరబ్ ఏమరెట్స్ UAE గోల్డెన్ వీసా అందుకున్నారు. వివిధ రంగాల్లో విశేషమైన కృషి చేసిన వారికీ ప్రభుత్వం ఈ గోల్డెన్ వీసాను అందిస్తుంది.

ఇక సినీ ఇండస్ట్రీ నుంచి ఈ వీసా అందుకున్న వారి లిస్ట్ లో మెగాస్టార్ కూడా చేరడం విశేషం. చిరు కంటే ముందు వాళ్ళ ఫ్యామిలీలో రామ్ చరణ్ సతీమణి ఉపాసనకు ఈ గోల్డెన్ వీసా వచ్చింది. సినీ పరిశ్రమ నుంచి ఇప్పటికే సూపర్ స్టార్ రజినీకాంత్, బాలీవుడ్ స్టార్ షారుఖ్ ఖాన్, దుల్కర్ సల్మాన్, ఐకాన్ స్టార్ అల్లు అర్జున్, అమలాపాల్, త్రిష టోవినో థామస్, మమ్ముట్టి, మోహన్ లాల్ ఈ వీసా అందుకున్నారు.

Also Read : ‘పుష్ప’ విలన్ కి అరుదైన వ్యాధి.. లైఫ్ లాంగ్ బాధ పడాల్సిందేనట!

ఈ వీసాకి 10 ఏళ్ళ కాలపరిమితి ఉంటుంది. ఇక తాజాగా మెగాస్టార్ కి గోల్డెన్ వీసా రావడంతో అభిమానులు సోషల్ మీడియా వేదికగా శుభాకాంక్షలు అందజేస్తున్నారు. ఇక చిరంజీవి సినిమాల విషయానికొస్తే.. ప్రస్తుతం విశ్వంభర షూటింగ్ తో బిజీగా ఉన్నారు. సోషియో ఫాంటసీ బ్యాక్ డ్రాప్ తో తెరకెక్కుతున్న ఈ మూవీని UV క్రియేషన్స్ సుమారు 200 కోట్లతో నిర్మిస్తుంది. త్రిష హీరోయిన్ గా నటిస్తున్న ఈ సినిమాలో ఆషిక రంగనాథ్, సురభి, ఇషా చావ్లా, మీనాక్షి చౌదరి కీలక పాత్రలు పోషిస్తున్నారు.