TS: బీఆర్‌ఎస్‌కు మరో బిగ్‌ షాక్‌.. మాజీ ఎమ్మెల్సీ గుడ్ బై!

CHINNAPAREDDY: బీఆర్‌ఎస్‌ పార్టీకి మరో బిగ్ షాక్ తగిలింది. మాజీ ఎమ్మెల్సీ తేరా చిన్నపరెడ్డి గులాబీ పార్టీకి రాజీనామా చేశారు. నల్గొండ ఎంపీ టికెట్‌ తనకు కేటాయించకపోవడంతో బీఆర్‌ఎస్‌ను వీడుతున్నట్టు ప్రకటించారు. బీజేపీలో చేరనున్నట్లు తెలుస్తోంది.

ఈసారి కూడా మొండిచేయి..
ఈ మేరకు నల్గొండ ఎంపీ టికెట్ సీనియర్ నేత కంచర్ల శ్రీనివాసరెడ్డి పేరును ప్రకటించడంతో తేరా చిన్నపరెడ్డి గులాబీ పార్టీకి రాజీనామా చేశారు. తన రిజైన్‌ లెటర్‌ను కేసీఆర్‌కు పంపించారు. ఇక 2019లో బీఆర్‌ఎస్‌ నుంచి ఎమ్మెల్సీగా గెలుపొందిన చిన్నపరెడ్డి మూడేళ్ల పాటు ఆ పదవిలో ఉన్నారు. అయితే గత అసెంబ్లీ ఎన్నికల్లో టికెట్‌ ఆశించి భంగపడ్డ చిన్నపరెడ్డి.. ఈసారి కూడా తనకు మొండిచేయి చూపించడంతో తీవ్ర మనస్తాపానికి గురై ఈ నిర్ణయం తీసుకున్నారు. త్వరలోనే ఆయన బీజేపీలోకి వెళ్తారని ప్రచారం జరగుతోంది.