Chandrayaan-3: చందమామ పెరట్లో పసిపాప(రోవర్‌) పరుగులు.. క్యాప్చర్‌ చేసిన తల్లి.. వైరల్‌ వీడియో!

ISRO new Video shows Rover walk: చంద్రయాన్‌-3 మిషన్‌ గురించి ఇస్రో ఎలాంటి పోస్ట్ చేసినా క్షణాల్లో వైరల్‌గా మారుతోంది. రోవర్‌ తిరుగుతున్న మరో వీడియోను ఇస్రో పోస్ట్ చేసింది. సురక్షితమైన మార్గం కోసం రోవర్‌ను తిరుగుతుందని.. దీన్ని ల్యాండర్‌ క్యాప్చర్‌ చేసినట్టు పోస్ట్ చేసింది. ఈ విషయాన్ని తల్లి, పిల్లలతో పోల్చింది ఇస్రో. భ్రమణం ల్యాండర్ ఇమేజర్ కెమెరా ద్వారా దీన్ని క్యాప్చర్ చేయగా.. 'చందమామ పెరట్లో చిన్నపిల్ల ఆడపడుచుగా ఉల్లాసంగా ఆడుతుంటే తల్లి ఆప్యాయంగా చూస్తోంది' అని స్మైలీ ఎమోజీ పెట్టింది.

Chandrayaan-3 Mission:
The rover was rotated in search of a safe route. The rotation was captured by a Lander Imager Camera.

It feels as though a child is playfully frolicking in the yards of Chandamama, while the mother watches affectionately.
Isn't it?🙂 pic.twitter.com/w5FwFZzDMp

— ISRO (@isro) August 31, 2023

కొనసాగుతోన్న పర్యవేక్షణ:
నిజానికి కొన్ని రోజుల క్రితం జాబిల్లిపై రోవర్‌ పెద్ద గుంతను తప్పించుకుంది. ప్రజ్ఞాన్ రోవర్ చంద్రుని ఉపరితలంపై నాలుగు మీటర్ల బిలం(Crater) ఎదురు వచ్చిన తర్వాత సురక్షితంగా తిరిగి మళ్లించారు. ఆరు చక్రాల, సౌరశక్తితో నడిచే రోవర్ సాపేక్షంగా మ్యాప్ చేయని ప్రాంతం చుట్టూ తిరుగుతుంది. 14 రోజుల జీవితకాలం ఉన్న రోవర్‌ జాబిల్లిపై నుంచి ఫొటోలు , సైంటిఫిక్‌ డేటాను ఇస్రోకి పంపుతోంది.

ఆగస్ట్ 23న చంద్రుని దక్షిణ ధ్రువ ప్రాంతంలో దిగిన రోవర్ , దాదాపు 100 మిల్లీమీటర్ల లోతుతో చంద్ర బిలం మీదుగా ప్రయాణించగలిగింది. ఈ విజయంతో ఇస్రో కంట్రోల్ రూమ్‌ ఆనందపడింది. అనేక సవాళ్ల ద్వారా రోవర్‌ను మార్గనిర్దేశం చేస్తున్నారు సైంటిస్టులు.. అటు పర్యవేక్షణ కూడా కొనసాగిస్తోంది.

చంద్రుడిపై సల్ఫర్:
చంద్రునిపై సల్ఫర్ ఊహించని విధంగా కనిపించడం, చంద్రయాన్-3 రోవర్ ల్యాండ్ అయిన ప్రాంతంలో చంద్రుని కూర్పు గురించి ముఖ్యమైన ప్రశ్నలను లేవనెత్తుతుంది. ఇతర ఎత్తైన ప్రాంతాలకు భిన్నంగా, దక్షిణ ధ్రువ ప్రాంతంలోని చంద్ర నేల రాళ్ల ఆకృతిని అర్థం చేసుకోవడం రోవర్ ప్రధాన లక్ష్యం అని ఇస్రో చెబుతోంది. సల్ఫర్ ఆవిష్కరణ చాలా లోతైనది. సల్ఫర్ ఉనికి చంద్రునిపై నీటి మంచు ఉనికిని సూచిస్తుంది లేదా సల్ఫర్‌ను చంద్ర వాతావరణంలోకి విడుదల చేసిన ఇటీవలి అగ్నిపర్వత కార్యకలాపాలను సూచిస్తుంది.

ALSO READ: చంద్రుడిపై ఆక్సిజన్‌.. ప్రకటించిన ఇస్రో..!