Chandrababu swearing-in ceremony: రేపే చంద్రబాబు ప్రమాణస్వీకారం.. హాజరుకానున్న 20 మంది VVIPల లిస్ట్ ఇదే!

రేపు ఉదయం 11.27 గంటలకు గన్నవరం ఐటీ పార్క్ సమీపంలోని కేసరపల్లిలో టీడీపీ అధినేత చంద్రబాబు నాయుడు ఏపీ సీఎంగా ప్రమాణస్వీకారం చేయనున్న విషయం తెలిసిందే. ఈ కార్యక్రమానికి దాదాపు 20 మందికిపైగా VVIPలు హాజరు కానున్నట్లు తెలుస్తోంది. ప్రధాని మోదీ, కేంద్ర హోం మంత్రి అమిత్ షాతో పాటు పలువురు కేంద్రమంత్రులు హాజరుకానున్నారు. వీరితో పాటు మహారాష్ట్ర సీఎం ఏక్‌నాథ్‌ షిండే, యూపీ సీఎం యోగి ఆదిత్యనాథ్‌, మధ్యప్రదేశ్ సీఎం మోహన్ యాదవ్, మేఘాలయ సీఎం హాజరుకానున్నారు.

వీరితో పాటు తమిళ సూపర్ స్టార్ రజినీకాంత్ దంపతులు, మెగాస్టార్ చిరంజీవి ఫ్యామిలీ సైతం చంద్రబాబు ప్రమాణ స్వీకారంలో పాల్గొననున్నారు. మాజీ ఉపరాష్ట్రపతి వెంకయ్యనాయుడు సైతం ఈ కార్యక్రమంలో పాల్గొననున్నట్లు తెలుస్తోంది. తెలంగాణ ముఖ్యమంత్రి రేవంత్ రెడ్డి చంద్రబాబు ప్రమాణ స్వీకార కార్యక్రమానికి హాజరవడంపై ఇంకా అధికారిక ప్రకటన రాలేదు. ప్రస్తుతం ఉన్న సమాచారం ఆధారంగా ఆయన హాజరయ్యే అవకాశం లేదని తెలుస్తోంది.