Canada Study Permit: కెనడా సంచలన నిర్ణయం తీసుకుంది. తమ దేశంలో ఈ సంవత్సరం అంటే 2024లో అంతర్జాతీయ విద్యార్థుల అడ్మిషన్లలో 35% తగ్గింపును ప్రకటించింది. ఈ ప్రకటన భారత దేశ విద్యార్థులు మరీ ముఖ్యంగా తెలుగు రాష్ట్రాల విద్యార్థులకు పెద్ద షాక్ అని చెప్పాలి. ఎందుకంటే, కెనడాలో చదువుకోవడానికి వెళ్లే విద్యార్థుల్లో ఎక్కువ శాతం మంది భారతీయులే. అందులోనూ ఎక్కువ భాగం తెలుగు రాష్ట్రాల విద్యార్థులే ఉంటారు. కెనడాలో అంతర్జాతీయ విద్యార్థుల ఎడ్మిషన్ పర్మిట్స్ విషయంలో వచ్చిన నిర్ణయంతో ఈ సంఖ్య తగ్గిపోనుంది. కేవలం 3.64 లక్షల మంది విద్యార్థులకు మాత్రమే పర్మిట్లు(Canada Study Permit) దొరుకుతాయి. గతేడాది అంటే 2023తో పోలిస్తే ఇది 35% తక్కువ. అదేవిధంగా వచ్చే సంవత్సరానికి సంబంధించి ఈ సంఖ్య ఎంత ఉండవచ్చు అనే వివరాలు వెల్లడి కాలేదు. ఈ సంవత్సరం చివరిలో ఆ సంఖ్య చెబుతారని ఆ దేశ ఇమిగ్రేషన్ మంత్రి మార్క్ మిల్లర్ వెల్లడించారు. కెనడాలో పెరుగుతున్న ఇళ్ల కొరతతో పాటు, నిరుద్యోగ సమస్యను నివారించడం కోసమే ఈ పర్మిట్లలో(Canada Study Permit) కోత తీసుకువస్తున్నామని ఆయన వివరించారు.
పూర్తిగా చదవండి..Canada Study Permit: కెనడా నిర్ణయం.. భారత విద్యార్థులకు షాక్.. తెలుగు రాష్ట్రాల విద్యార్థులకు నష్టమే!
కెనడాలో చదువుకోవాలని ప్రయత్నాలు చేస్తున్న విద్యార్థులకు ఆ దేశ ప్రభుత్వం షాక్ ఇచ్చింది. అక్కడ చదువు కోసం ఇచ్చే పర్మిట్లలో కోత విధిస్తున్నట్టు ఇమ్మిగ్రేషన్ మంత్రి మార్క్ మిల్లర్ ప్రకటన చేశారు. ఇకపై కెనడాలో అంతర్జాతీయ విద్యార్థులకు ఇచ్చే పర్మిట్లు 35% తగ్గిపోతాయి.
Translate this News: