బాలయ్య నుంచి మరో రీ-రిలీజ్

బాలకృష్ణ నటించిన బెస్ట్ చిత్రాల్లో ఒకటి భైరవద్వీపం. లెజెండరీ డైరెక్టర్ సింగీతం శ్రీనివాసరావుతో కలిసి ఈ సినిమా కోసం వర్క్ చేశారు బాలయ్య. పనిచేశారు. ఒక ఫాంటసీ ప్రపంచాన్ని సృష్టించి, ప్రేక్షకులను అందులోకి తీసుకువెళ్లిన ‘భైరవద్వీపం’ చిత్రం ఏప్రిల్ 14, 1994న విడుదలైంది. క్లాప్స్ ఇన్ఫోటైన్‌మెంట్ ఈ ఎవర్‌గ్రీన్ క్లాసిక్‌ని ఈతరం ప్రేక్షకుల కోసం ఆగస్ట్ 5న 4K క్వాలిటీతో రీ-రిలీజ్ చేస్తోంది.

ఈ చిత్రంలో బాలకృష్ణ ఒక తెగలో ఎదుగుతున్న రాకుమారుడు విజయ్‌ గా ధైర్యసాహసాలు కలిగిన వీరుడిగా కనిపించాడు. విజయ్ కార్తికేయ రాజ్యానికి చెందిన యువరాణి పద్మావతి (రోజా) తో ప్రేమలో పడతాడు. ఒక దుష్ట మాంత్రికుడు పద్మావతిని బలి ఇవ్వడానికి 'భైరవ ద్వీపం' అనే ద్వీపానికి మాయాజాలం ద్వారా తీసుకువెళ్తాడు. విజయ్ చెడుతో పోరాడి, యువరాణిని ఎలా కాపాడతాడు అనేది ఈ సినిమా స్టోరీ.

గొప్ప మలుపులతో, అద్భుతమైన దృశ్యాలతో అప్పట్లోనే విజువల్ వండర్ అనిపించుకుంది 'భైరవ ద్వీపం'. రావికొండల రావు రాసిన మ్యాజికల్ స్టోరీని దిగ్గజ దర్శకుడు సింగీతం శ్రీనివాసరావు స్వయంగా అద్భుతమైన స్క్రీన్‌ ప్లే ని అందించారు. మాధవపెద్ది సురేష్ అందించిన సంగీతం సినిమాకు మరో హైలైట్ . ఈ చిత్రానికి సినిమాటోగ్రఫీ కబీర్ లాల్, ఎడిటింగ్ డి.రాజ గోపాల్.

చందమామ విజయ కంబైన్స్ బ్యానర్‌పై నిర్మాత బి. వెంకటరామి రెడ్డి నిర్మాణ విలువలు ప్రతి జనరేషన్ ని ఆకట్టుకునేలా అత్యున్నత స్థాయిలో ఈ సినిమా ఉంటుంది. భారీగా సక్సెస్ అయిన ఈ సినిమా, ఏకంగా 9 నంది అవార్డులను గెలుచుకుంది. ఫాంటసీ సినిమాల్ని ఇష్టపడే ప్రేక్షకుల్ని, మరోసారి బిగ్ స్క్రీన్ పై అలరించనుంది భైరవద్వీపం.