ఫస్ట్ మూవీ రిలీజ్ కాకముందే వరుస ఆఫర్స్.. 'మిస్టర్ బచ్చన్' హీరోయిన్ క్రేజ్ మాములుగా లేదుగా!

Bhagyasree Borse Got Another Movie Offer : బాలీవుడ్ బ్యూటీ భాగ్యశ్రీ బోర్సే సౌత్ లో వరుస ఆఫర్స్ అందుకుంటోంది. రవితేజ హీరోగా నటిస్తున్న 'మిస్టర్ బచ్చన్' సినిమాతో తెలుగు వెండితెరకు హీరోయిన్ గా ఎంట్రీ ఇస్తున్న ఈ ముద్దుగుమ్మ.. తన ఫస్ట్ మూవీ రిలీజ్ అవ్వకముందే మరో రెండు ప్రాజెక్ట్స్ లో నటించే ఛాన్స్ అందుకుంది.

మిస్టర్ బచ్చన్ ప్రస్తుతం షూటింగ్ దశలోనే ఉంది. ఈ మూవీ ఇంకా సెట్స్ పై ఉండగానే ఇటీవల రౌడీ హీరో విజయ్ దేవరకొండ, గౌతమ్ తిన్ననూరి కాంబో మూవీలో హీరోయిన్ గా ఎంపికైంది. ఇక ఇప్పుడు మరో మూవీ ఆఫర్ పట్టేసింది.

Also Read : పెళ్లి పై నోరు విప్పిన ‘ఎన్టీఆర్’ హీరోయిన్.. అతనితో డేటింగ్ లో ఉన్నా అంటూ కామెంట్స్!

ముచ్చటగా మూడోది...

మలయాళ స్టార్ దుల్కర్‌ సల్మాన్‌ హీరోగా ఎస్‌ఎల్‌వీ సినిమాస్‌ పతాకంపై సుధాకర్‌ చెరుకూరి ఓ చిత్రం నిర్మించేందుకు సిద్ధమవుతున్నారు. రవి అనే కొత్త దర్శకుడు దీనికి దర్శకత్వం వహించనున్నట్లు సమాచారం. ఈ సినిమా కోసం హీరోయిన్ గా భాగ్యశ్రీని ఎంచుకున్నట్లు తెలిసింది.

ఇప్పటికే ఈ విషయంపై చర్చలు పూర్తయినట్లు తెలుస్తోంది. ఇదొక డిఫెరెంట్ రొమాంటిక్‌ ఎంటర్‌టైనర్‌గా తెరకెక్కనుందని.. ఎక్కువ భాగం అమెరికాలో చిత్రీకరణ జరుపుకోనుందని ఫిలిం సర్కిల్స్ లో టాక్ వినిపిస్తోంది. త్వరలోనే ఈ ప్రాజెక్ట్ కు సంబంధించి అఫీషియల్ అనౌన్స్ మెంట్ రానుంది.