Balakrishna: భగవంత్ కేసరి హ్యాట్రిక్ హిట్ కన్ఫామ్..!!

Balakrishna: 'భగవంత్ కేసరి'తో బాలయ్యకి హ్యాట్రిక్ హిట్ కన్ఫామ్ అంటున్నారు నందమూరీ అభిమానులు.  ‘మరో రెండు రోజుల్లో అంటే అక్టోబర్ 19వ తేదీన ఈ సినిమా థియేటర్లలో రిలీజ్ కానుంది. నందమూరి నట సింహం బాలకృష్ణ ఈ చిత్రంలో హీరోగా నటించారు. అనిల్ రావిపూడి దర్శకత్వం వహించారు. ఇప్పటికే ఈ సినిమా టికెట్ల బుకింగ్ కూడా జోరుగా సాగుతోంది. ఈ తరుణంలో భగవంత్ కేసరి సినిమాకు సెన్సార్ పనులు కూడా పూర్తయ్యాయి. సెన్సార్ సర్టిఫికషన్ వచ్చేసింది.

మొదటి నుంచి కూడా బాలకృష్ణ తన సినిమాలో యాక్షన్ .. ఎమోషన్ కి ప్రాధాన్యతనిస్తూ వస్తున్నారు. ఒకదశ తరువాత ఆ రెండూ మరింత బలంగా ఉండేలా చూసుకుంటున్నారు. 'అఖండ' .. 'వీరసింహా రెడ్డి' సినిమాల విషయంలోను ఈ సంగతి మనకి స్పష్టంగా తెలుస్తుంది. ఈ రెండు సినిమాలు కూడా వసూళ్ల పరంగా కొత్త రికార్డులను నమోదు చేశాయి.

ఆ తరువాత సినిమాగా ఆయన నుంచి 'భగవంత్ కేసరి' రానుంది. అనిల్ రావిపూడి దర్శకత్వంలో ఈ సినిమా రూపొందింది. ఈ సినిమాలో 'నేలకొండ భగవంత్ కేసరి' అనే పవర్ఫుల్ పాత్రలో బాలయ్య కనిపించనున్నారు. పాత్ర పరంగా కూడా NBK వచ్చేలా అనిల్ రావిపూడి ప్లాన్ చేయడం విశేషం. ఇంతవరకూ ఫ్లాప్ మాట వినని ఆయన నుంచి వస్తున్న ఈ సినిమా హిట్ కొట్టడం ఖాయమనే టాక్ బలంగా వినిపిస్తోంది.

Also Read: నేషనల్ అవార్డ్ అందుకున్న ఐకాన్‌ స్టార్‌ అల్లు అర్జున్..!!