World Liver Day: నేడు 'ప్రపంచ కాలేయ దినోత్సవం'.. ఆరోగ్యకరమైన కాలేయం కోసం ఈ చిట్కాలు పాటించండి

World Liver Day 2024: నేడు ప్రపంచ కాలేయ దినోత్సవం. కాలేయ వ్యాధుల గురించి ప్రజలకు అవగాహన కల్పించేందుకు ప్రతి సంవత్సరం ఏప్రిల్ 19న ప్రపంచ కాలేయ దినోత్సవాన్ని జరుపుకుంటారు. కాలేయం శరీరంలో ఒక ప్రత్యేక అవయవం. ఇది శరీరం నుంచి హానికరమైన పదార్థాలను తొలగించి ఆరోగ్యంగా ఉంచడంలో సహాయపడుతుంది. కానీ నేటి చెడు జీవనశైలి వల్ల మనుషుల్లో కాలేయ వ్యాధుల ముప్పు పెరుగుతోంది. అటువంటి పరిస్థితిలో, రోజూ దినచర్యలో కొన్ని ఆహారపు అలవాట్లు, జీవన శైలి విధానాలు మార్చుకోవడం ద్వారా కాలేయాన్ని ఆరోగ్యవంతంగా మార్చుకోవచ్చు. కొన్ని ఆరోగ్య సంబంధిత చిట్కాలను అనుసరించడం ద్వారా మీ కాలేయాన్ని ఎలా ఆరోగ్యంగా ఉంచుకోవచ్చో అవేంటో ఇప్పుడు తెలుసుకుందాము.

కాలేయం ఆరోగ్యంగా ఉండడానికి చిట్కాలు

ఆరోగ్యకరమైన ఆహారపు అలవాట్లు

కాలేయం ఆరోగ్యంగా ఉండటానికి, మీ ఆహారంలో ఆకుపచ్చ కూరగాయలు, పండ్లు, అల్లం, వెల్లుల్లి, పప్పులు, వాల్‌నట్‌లు, మఖానా మొదలైన వాటితో పాటు ప్రోటీన్ , ఫైబర్ అధికంగా ఉండే ఆహారాన్ని తీసుకోవాలి. అంతే కాదు , వేయించిన, నూనె పదార్థాలను ఎక్కువగా తీసుకోవడం మంచిది కాదు.

అలోవెరా జ్యూస్

కలబంద రసంలో ఉండే అలోయిన్, సపోనిన్లు కాలేయం నుంచి విషపూరితలను తొలగించడంలో సహాయపడతాయి. కలబందలో అనేక యాంటీఆక్సిడెంట్లు ఉంటాయి. వీటిలోని విటమిన్లు A, C, E కాలేయం దెబ్బతినకుండా కాపాడతాయి. కలబందను క్రమం తప్పకుండా తీసుకుంటే, దానిలోని ప్రశాంతత గుణాలు కడుపుబ్బరం, మలబద్ధకం వంటి జీర్ణ సమస్యల నుంచి ఉపశమనం పొందడంలో తోడ్పతాయి. ఇది కాలేయ ఆరోగ్యాన్ని , జీర్ణక్రియను ప్రోత్సహిస్తుంది.

పసుపు టీ

కాలేయానికి మేలు చేసే పానీయాలలో పసుపు టీ కూడా ఒకటి. అధ్యయనాల ప్రకారం, పసుపులో యాంటీ ఇన్ఫ్లమేటరీ లక్షణాలు ఉంటాయి. ఇవి ప్రో-ఇన్ఫ్లమేటరీ రసాయనాల ఉత్పత్తిని తగ్గిస్తాయి. ఈ ప్రో-ఇన్ఫ్లమేటరీ రసాయనాలు కాలేయ వ్యాధి పరిస్థితులకు కారణమవుతాయి.

బీట్‌రూట్ రసం

బీట్‌రూట్ రసంలోని విటమిన్ సి, పొటాషియం, ఫోలేట్ వంటి పోషకాలు కాలేయాన్ని ఆరోగ్యంగా ఉంచడంలో సహాయపడతాయి. బీట్‌రూట్ రసం పిత్త ఉత్పత్తిని ప్రేరేపించడం ద్వారా కాలేయ పనితీరును మెరుగుపరుచును.

ఆల్కహాల్‌కు దూరంగా

కాలేయం ఆరోగ్యంగా ఉండాలంటే మద్యం, ధూమపానానికి దూరంగా ఉండాలి. ఈ రెండూ కాలేయ ఆరోగ్యానికి హాని కలిగిస్తాయి. వీటిని రెగ్యులర్ గా తీసుకోవడం వల్ల కాలేయం దెబ్బతినే ప్రమాదం ఉంది. అంతే కాదు అధికంగా ఆల్కహాల్ తీసుకోవడం వల్ల డీహైడ్రేషన్ సమస్య వస్తుంది. అటువంటి పరిస్థితిలో, మంచి కాలేయ పనితీరును నిర్ధారించడానికి శరీరం నుంచి విష పదార్థాలను తొలగించడానికి తగినంత నీళ్లు తీసుకోవాలి.

టీకాలు

హెపటైటిస్ A , B కోసం తప్పకుండా టీకాలు వేయించుకోవాలి. మీకు ఇప్పటికే ఏదైనా వైద్య పరిస్థితి ఉంటే, ఈ టీకా మిమ్మల్ని అనారోగ్యం బారిన పడకుండా కాపాడుతుంది. హెపటైటిస్ ఎ సమస్య కలుషిత ఆహారం లేదా నీరు తీసుకోవడం వల్ల వస్తుంది. అందువల్ల, మీ దినచర్యలో ఖచ్చితంగా ఆరోగ్యకరమైన పరిశుభ్రత చిట్కాలను అనుసరించాలి.

Also Read: Shah Rukh Khan: వెండితెర పై కుమార్తె సుహానాతో షారూఖ్ సందడి.. ఆ పాత్రలో కింగ్ ఖాన్..?