మెరిసే చర్మం సొంతం కావాలంటే...వీటి జోలికి అస్సలు వెళ్లకూడదు..!! By Bhoomi 15 Jun 2023 in సినిమా New Update షేర్ చేయండి చాలామంది అందానికి ఎక్కువగా ప్రాధాన్యత ఇస్తుంటారు. అందుకోసం ఎన్నో జాగ్రత్తలూ తీసుకుంటారు. కొంతమంది మాత్రం చర్మ సౌందర్యానికి సంబంధించి ఎలాంటి శ్రద్ద తీసుకోరు. బయటకు వెళ్లినప్పుడు ఏ మాత్రం అశ్రద్ద తీసుకున్నా..దాన్ని ప్రభావం చర్మంపై ఖచ్చితంగా పడుతుంది. ఈ రోజుల్లో పెరుగుతున్న కాలుష్యంతో పాటు మన ఆహారపు అలవాట్లు కూడా చర్మానికి హాని కలిగిస్తున్నాయి.అటువంటి పరిస్థితిలో, చర్మానికి ఏ ఆహార పదార్థాలు అవసరం, ఎలాంటి ఆహారపదార్థాలకు దూరంగా ఉండాలో తెలుసుకుందాం. మనం తీసుకునే ఆహారంలో ఉండే ఆహార పదార్థాలు మన ఆరోగ్యంతో పాటు చర్మంపై కూడా చాలా ప్రభావం చూపుతాయి. ఆరోగ్యకరమైన చర్మానికి, మంచి చర్మ సంరక్షణ ఉత్పత్తులే కాదు, మన ఆహారం కూడా చాలా ముఖ్యం. కొన్ని ఆహార పదార్థాలు చర్మానికి మేలు చేస్తే, కొన్ని చర్మానికి హాని కలిగిస్తాయి. అటువంటి పరిస్థితిలో, ఆరోగ్యకరమైన చర్మం కోం ఏమి తినాలి..ఏం తినకూడదు అనేది చాలా ముఖ్యం. మీరు కూడా ఆరోగ్యకరమైన, మెరిసే చర్మం కావాలనుకుంటే, ఈ రోజు నుంచే ఈ ఆహార పదార్థాలకు దూరంగా ఉండండి. చక్కెర: చక్కెర పదార్థాలు ఎక్కువ తీసుకుంటే చర్మానికి హానికరం. ఇది వాపునకు దారి తీస్తుంది. అంతేకాదు కొల్లాజెన్ ను విచ్చిన్నం చేస్తుంది. దీంతో అకాల వృద్ధాప్యం, ముడతలు, చర్మం కుంగిపోవడానికి దారితీస్తుంది. అదనంగా, చక్కెర ఇన్సులిన్ స్థాయిలను పెంచుతుంది. చర్మంపై మొటిమలకు కారణం అవుతుంది. వేయించిన ఆహారం: ఫ్రెంచ్ ఫ్రైస్ వంటి ఫ్రైడ్ ఫుడ్ ఐటమ్స్లో అధిక మొత్తంలో సంతృప్త, ట్రాన్స్ ఫ్యాట్ ఉంటుంది. ఇది మొటిమల సమస్యను ప్రోత్సహిస్తుంది. ఈ ఆహార పదార్థాలను వేయించడానికి ఉపయోగించే అధిక వేడి ఫ్రీ రాడికల్స్ను ఉత్పత్తి చేస్తుంది. ఇది చర్మ కణాలను దెబ్బతీయడంతోపాటు అకాల వృద్ధాప్యానికి దారితీస్తుంది. పాల ఉత్పత్తులు: పాలు, జున్ను,పెరుగు వంటి పాల ఉత్పత్తులలో హార్మోన్ల పెరుగుదలకు సంబంధించిన కారకాలు ఉంటాయి. ఇవి నూనె ఉత్పత్తిని ప్రోత్సహిస్తాయి. దీంతో మొటిమలకు దారి తీస్తుంది. ఈ పాల ఉత్పత్తులను అధికంగా తీసుకోవడం వల్ల తామర, రోసేసియా వంటి చర్మ సమస్యలు వస్తాయి. ఆల్కహాల్: ఆల్కహాల్ నిర్జలీకరణం, వాపుకు కారణమవుతుంది. ఆల్కాహాల్ ఎక్కువగా తీసుకోవడం వల్ల వాపు, ముడతలు అకాల వృద్ధాప్యానికి దారితీస్తుంది. అదనంగా, ఆల్కహాల్ రక్త నాళాలను విస్తరించడంతోపాటు కణాలను విచ్చిన్నం చేస్తుంది. స్పైసి ఫుడ్: స్పైసీ ఫుడ్ కూడా చర్మానికి హానికరం. స్పైసీ ఫుడ్ తినడం వల్ల కడుపు ఉబ్బరం ఏర్పడుతుంది. స్పైసీ ఫుడ్ కూడా నూనె ఉత్పత్తికి కారణమవుతుంది. ఇది ముఖంపై రంద్రాలను మూసుకుపోయేలా చేస్తుంది. దీంతో మొటిమలు ఏర్పడుతుంటాయి. ప్రాసెస్ చేసిన మాంసం: బేకన్, సాసేజ్, డెలి మీట్లు వంటి ప్రాసెస్ చేయబడిన మాంసాలలో సంతృప్త కొవ్వు, సోడియం అధికంగా ఉంటాయి. ప్రాసెస్ చేసిన మాంసం అధిక వినియోగం వల్ల వాపుకు కారణమవుతుంది. ఇది ముఖంలో వ్రుద్ధాప్యఛాయలు కలిగిస్తుంది. వాటిలో ప్రిజర్వేటివ్లు ఉండటంతో చర్మ అలెర్జీలు, దద్దుర్లను ప్రేరేపిస్తాయి. #NULL మా వార్తాలేఖకు సభ్యత్వాన్ని పొందండి! ప్రత్యేకమైన ఆఫర్లు మరియు తాజా వార్తలను పొందిన మొదటి వ్యక్తి అవ్వండి ఇప్పుడే సభ్యత్వం పొందండి సంబంధిత కథనాలు Advertisment Advertisment తాజా కథనాలు తదుపరి కథనాన్ని చదవండి