Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Nikhil

CV Anand : క్రిమినల్స్ పై ఉక్కుపాదం.. డ్రగ్స్ ను కంట్రోల్ చేస్తాం: హైదరాబాద్ కొత్త సీపీ సీవీ ఆనంద్

Published on by

IAS Officer CV Anand : హైదరాబాద్ (Hyderabad) సీపీగా సీనియర్ ఐఏఎస్ అధికారి సీవీ ఆనంద్ బాధ్యతలు స్వీకరించారు. ఈ సందర్భంగా ఆయన మాట్లాడుతూ.. సీపీగా రెండోసారి భాద్యతలు చేపట్టడం సంతోషంగా ఉందన్నారు. తనకు ఈ బాధ్యతలు అప్పగించిన సీఎం రేవంత్ రెడ్డి (CM Revanth Reddy) కి కృతజ్ఞతలు తెలిపారు. వినాయకచవితి, మిలాద్ ఉన్ నబి పండుగలను ప్రశాంత వాతావరణంలో జరిగేలా చూస్తానన్నారు. గతేడాది కూడా రెండు పండుగలు ఒకేసారి వచ్చాయని గుర్తు చేశారు. అప్పుడు కూడా ఆయా పండుగలను ప్రశాంతంగా జరిపామన్నారు. ఇందుకు సంబంధించిన యాక్షన్ ప్లాన్ సిద్ధంగా ఉందన్నారు.

ఈ మేరకు అధికారులతో సమీక్ష నిర్వహిస్తామన్నారు. రాష్ట్ర ప్రభుత్వం డ్రగ్స్ పై సీరియస్ గా ఉందన్నారు. డ్రగ్స్, గంజాయి (Drugs – Ganja) నిర్మూలనకు కృషి చేస్తామన్నారు. ఫ్రెండ్లీ పోలీసింగ్ అనేది.. పార్ట్ ఆఫ్ పోలీసింగ్ అని వివరించారు. కానీ కొందరు దానిని తప్పుగా అపార్థం చేసుకుంటున్నారన్నారు. క్రిమినల్స్ పై ఉక్కుపాదం మోపక తప్పదన్నారు.

Also Read : అలా చేసినందుకు..? శ్రద్ధాకు బాలీవుడ్ డైరెక్టర్ క్షమాపణలు.!

TG High Court: కాంగ్రెస్ లో చేరిన BRS ఎమ్మెల్యేలకు హైకోర్టు బిగ్ షాక్

Published on by

కాంగ్రెస్‌లో చేరిన బీఆర్ఎస్ ఎమ్మెల్యేలకు తెలంగాణ హైకోర్టు బిగ్‌షాక్ ఇచ్చింది. ఎమ్మెల్యేల అనర్హత అంశంపై కీలక ఆదేశాలు జారీ చేసింది. అనర్హత పిటిషన్లు స్పీకర్ ముందు ఉంచాలని అసెంబ్లీ సెక్రటరీని హైకోర్టు ఆదేశించింది. ఇందుకు సంబంధించి 4 వారాల్లో నిర్ణయం తీసుకోవాలని స్పష్టం చేసింది. ఈ మేరకు స్పీకర్‌ కార్యాలయ సెక్రటరీకి ఆదేశాలు ఇచ్చింది. ఒకవేళ గడువులోగా స్పీకర్‌ నిర్ణయం తీసుకోకపోతే తాము సుమోటోగా ఈ కేసు విచారణ చేపడుతామని హైకోర్టు తెలిపింది. పార్టీ ఫిరాయించిన ఎమ్మెల్యేలపై అనర్హత వేటు వేయాలని హైకోర్టులో బీజేపీ, బీఆర్ఎస్ నేతలు పిటిషన్లు దాఖలు చేశారు. బీఆర్ఎస్ ఎమ్మెల్యేలు పాడి కౌశిక్ రెడ్డి, వివేకానందగౌడ్ దానం నాగేందర్‌, కడియం శ్రీహరి, తెల్లం వెంకట్రావుపై వేటు వేయాలని పిటిషన్ వేయగా.. దానం నాగేందర్ పై అనర్హత వేటు వేయాలని బీజేపీ శాసనసభాపక్ష నేత, నిర్మల్ ఎమ్మెల్యే మహేశ్వర్‌రెడ్డి పిటిషన్‌ దాఖలు చేశారు.

ఈ పిటిషన్లపై విచారణ జరిపిన హైకోర్టు నాలుగు వారాల్లో ఈ పిటిషన్లపై నిర్ణయం తీసుకోవాలని హైకోర్టుకు సూచించింది హైకోర్టు విచారించగా.. సుదీర్ఘ వాదనలు కొనసాగాయి. ఈ విషయంలో సుప్రీంకోర్టు ఆదేశాలను స్పీకర్‌ పట్టించుకోవడం లేదంటూ పిటిషనర్లు కోర్టు దృష్టికి తీసుకెళ్లారు. ఇరు పక్షాల వాదనలు విన్న కోర్టు.. నాలుగు వారాల్లో నిర్ణయం తీసుకోవాలని స్పీకర్‌ కార్యాలయాన్ని ఆదేశిస్తూ తీర్పు వెలువరించింది.

Also Read : Uttara Pradesh: పట్టాలపై గ్యాస్‌ సిలిండర్‌…తప్పిన పెను ప్రమాదం!

CV Anand: రియల్ ఠాగూర్.. హైదరాబాద్ కొత్త సీపీ CV ఆనంద్ బ్యాగ్రౌండ్ తెలుసా?

Published on by

ఠాగూర్‌ సినిమా గుర్తింది కదా..? లంచగొండుల గుండెలో నిదురించిన సింహంలా మెప్పించిన చిరంజీవి బాక్సాఫిస్‌ వద్ద సెన్సెషన్‌ క్రియేట్ చేశాడు. అయితే అదంతా సినిమా.. కానీ రియల్‌ లైఫ్‌లోనూ ఓ ఠాగూర్‌ ఉన్నారు. అది కూడా మన తెలంగాణలోనే..! లంచాలు తీసుకుంటున్నవారి భరతం పడుతున్నారాయన. తెలంగాణ ఏసీబీ డీజీగా ఉన్న ఐపీఎస్ ఆఫీస‌ర్ సీవీ ఆనంద్ దెబ్బకు లంచగొండు అధికారులు ఉక్కిరిబిక్కిరి అయ్యారు. లంచాలు తీసుకోవాలంటేనే ప్రభుత్వ అధికారులు హడలిపోయారు. నిత్యం ఎక్కడో ఒక చోటా బడా ప్రభుత్వ అధికారి లంచం తీసుకుంటూ ఏసీబీకి రెడ్‌హ్యాండెడ్‌గా చిక్కుతుండడం తెలుగు రాష్ట్రాల్లో చర్చనీయాంశంగా మారింది.

ప్రస్తుతం సొసైటీలో ఉన్న మెయిన్ ప్రాబ్లమ్ లంచం…అదే స‌గ‌టు భార‌తీయుడి ఆవేద‌న‌.. అదే సీవీ ఆనంద్‌ ఆవేదన కూడా.. అవినీతిని అంతం చేసేందుకు ఆయన ఫుల్‌ యాక్టివ్‌ అయ్యారు. అందుకే ఏసీబీ ద్వారా లంచగొండుల గుండెల్లో వణుకుపుట్టిస్తున్నారు. నిజానికి ప్రజల్లో ఏసీబీ పట్ల ఒక అభిప్రాయం ఉంది. ఏసీబీ కేవలం చిన్నచిన్న ప్రభుత్వ అధికారులనే పట్టుకుంటుందని.. పెద్ద పెద్ద తిమింగలాలను పట్టించుకోదన్న విమర్శలు ఉన్నాయి. అయితే ఇదంతా రాంగ్‌ అని ప్రూవ్‌ చేశారు సీవీ ఆనంద్. ఏసీబీ వలలో చిక్కుతున్న లంచగొండు అధికారుల్లో దాదాపు అన్ని పెద్దచేపలే కనిపిస్తున్నాయి.

5 వేలు, 10 వేలు లంచం తీసుకుంటూ ఏసీబీకి పట్టబడ్డ అధికారుల గురించి వింటూ వస్తున్న జనాలకు చాలా రోజులుగా లక్షలు రూపాయలు తీసుకుంటూ దొరుకుతున్న అధికారులను కనిపిస్తున్నారు. దీంతో ప్రజలు ఏసీబీని తెగ మెచ్చుకుంటున్నారు. అన్నిటికంటే ముఖ్యమైన విషయం ఏంటంటే లంచం తీసుకున్న అధికారులు ఆ డబ్బును తిరిగి సంబంధిత వ్యక్తికి ఇచ్చేస్తుండడం విడ్డూరం. ఠాగూర్‌ సినిమాలోనూ ఇదే జరిగింది. ఇక్కడ తెలంగాణలోనూ అదే జరుగుతోంది. లంచం తీసుకోవాలంటేనే అధికారులు వణికిపోతున్న పరిస్థితి. ముఖ్యంగా పోలీసు అధికారులు లంచం ఇచ్చినవారి కోసం వెతికి మరీ స్వయంగా వారి ప్లేస్‌లకు వెళ్లి డబ్బులు వాపస్ ఇస్తున్నారు!

సీవీ ఆనంద్‌ తెలంగాణ క్యాడర్‌కు చెందిన 1991 బ్యాచ్‌ ఐపీఎస్‌ అధికారి. ఆయన డిసెంబర్ 24, 2021 నుంచి అక్టోబర్ 12, 2023 వరకు హైదరాబాద్ నగర పోలీస్ కమిషనర్‌గా విధులు నిర్వహించారు. ఇక 2017లో అదనపు డెరైక్టర్ జనరల్ ఆఫ్ పోలీస్‌గా, 2021లో కేంద్ర సర్వీసుల్లో అడిషనల్‌ డైరెక్టర్‌ జనరల్ ఆఫ్ పోలీస్‌గా పదోన్నతి అందుకున్నారు. అడిషనల్‌ డీజీగా ఉన్నా సీవీ ఆనంద్‌కు డీజీపీ హోదా కల్పిస్తూ రాష్ట్ర ప్రభుత్వం 2023 ఆగస్ట్‌ 7న ఉత్తర్వులు జారీ చేసింది. ఇక 2023 డిసెంబర్‌లో కాంగ్రెస్‌ ప్రభుత్వం తెలంగాణలో ఏర్పడిన తర్వాత సీవీ ఆనంద్‌ కొత్త బాధ్యతలు చేపట్టారు. తెలంగాణ ఏసీబీ డీజీగా ఆయన్ను రేవంత్‌ సర్కార్ నియమించింది.

అయితే.. అత్యంత కీలకమైన హైదరాబాద్ మహానగరంలో శాంతిభద్రతల సమస్యలు నిత్యం తలెత్తుతుండడంతో ఆయనను నగర కమిషనర్ గా నియమించింది ప్రభుత్వం. గత ఎన్నికల ముందు వరకు కూడా ఆయన హైదరాబాద్ సీపీగా పని చేశారు. కానీ కోడ్ అమల్లోకి వచ్చిన తర్వాత ఆయనను ఈసీ బాధ్యతల నుంచి తప్పించింది. తర్వాత అధికారంలోకి వచ్చిన రేవంత్ సర్కార్ ఆనంద్ ను ఏసీబీ చీఫ్ గా నియమించింది. ప్రస్తుత పరిస్థితుల దృష్ట్యా ఆయనను తిరగి హైదరాబాద్ సీపీగా నియమించింది ప్రభుత్వం. ఏసీపీ డీజీగా విజయ్‌కుమార్‌ ను నియమించింది. అయితే.. ఆనంద్ వెళ్లిన తర్వాత కూడా ఏసీబీ ఇప్పటి దూకుడునే కొనసాగిస్తుందా? లేదా? అన్నది తేలాలంటే మరికొన్ని రోజులు ఆగాల్సిందే.

ఇక సీవీ ఆనంద్‌ మంది క్రికెటర్‌ కూడా. భారత్‌ తరుఫున అండర్- 19 టీమ్‌లో సభ్యుడిగా ఉన్నారు ఆనంద్. ఇక హైదరాబాద్ అండర్ – 19, అండర్‌-22 జట్టులో ఆడారు. అటు టెన్నిస్‌లోనూ రాణించారు. అల్ ఇండియా పోలీస్ టెన్నిస్ ఛాంపియన్‌షిప్స్‌లో సీవీ ఆనంద్‌ పాల్గొన్నారు. ఆయన నేషనల్ పోలీస్ అకాడమీలో అథెటిక్స్ విభాగంలో 8 గోల్డ్ మెడల్స్‌ గెలిచారు. ఇలా అటు క్రీడాలలోనూ ఇటు వివిధ హోదాల్లో పని చేసిన ప్రభుత్వ అధికారిగానూ సీవీ ఆనంద్‌ తనదైన మార్క్‌ చూపిస్తూ ప్రజల దగ్గర మంచి మార్కులు కొట్టేస్తున్నారు.

CV Anand: హైదరాబాద్ సీపీగా సీవీ ఆనంద్.. భారీగా IPSల బదిలీలు

Published on by

తెలంగాణలో మరోసారి భారీగా ఐపీఎస్ ల బదిలీలు చేపట్టింది ప్రభుత్వం. ఏసీబీ డీజీగా పని చేస్తున్న సీవీ ఆనంద్ ను హైదరాబాద్ సీపీగా బదిలీ చేసింది. ప్రస్తుతం సీపీగా పని చేస్తున్న కొత్తకోట శ్రీనివాస్ రెడ్డిని విజలెన్స్&ఎన్ఫోర్స్మెంట్ డీజీగా బదిలీ చేసింది. ఏసీబీ డీజీగా విజయ్ కుమార్ ను నియమించింది. ఎన్నికల ముందు వరకు సీవీ ఆనందర్ హైదరాబాద్ సీపీగా పని చేశారు. అయితే.. ఎన్నికల కోడ్ అమల్లోకి వచ్చిన తర్వాత ఈసీ ఆయనను బాధ్యతల నుంచి తప్పించింది. అనంతరం అధికారంలోకి వచ్చిన రేవంత్ సర్కార్ ఆయనను ఏసీబీ డీజీగా నియమించింది.

ఏసీబీలోనూ ఆయన తనదైన మార్క్ చూపించారు. ముఖ్యంగా పోలీస్ శాఖలో అవినీతి అనకొండలపై ఫుల్ ఫోకస్ పెట్టారు. దీంతో.. అనేక మంది సీఐలు, ఎస్ఐలు లక్షల రూపాయలు లంచం తీసుకుంటూ రెడ్ హ్యాండెడ్ గా ఏసీబీకి చిక్కారు. పోలీస్ శాఖలో మాత్రమే కాకుండా.. ఇతర శాఖల అధికారులు కూడా ఇటీవల ఏసీబీకి భారీగా చిక్కారు. సీవీ ఆనంద్ దెబ్బకు కొందరు పోలీసులు ఇటీవల గతంలో తాము తీసుకున్న లంచాలను కూడా తిరిగి వెనక్కి ఇచ్చారన్న వార్తలు కూడా వచ్చాయి.

ఈ తరుణంలో సీవీ ఆనంద్ ను బదిలీ చేయడం చర్చనీయాంశమైంది. అయితే.. శాంతిభద్రతల సమస్యలు పెరిగిపోవడం.. ట్రాఫిక్ నియంత్రణ తదితర కారణాలతోనే హైదరాబాద్ సీపీని మార్చారన్న ప్రచారం ప్రభుత్వం వర్గాల్లో సాగుతోంది. ఈ నేపథ్యంలోనే గతంలో సైబరాబాద్,  హైదరాబాద్ సీపీగా పని చేసిన అనుభవం ఉన్న సీవీ ఆనంద్ కు ప్రభుత్వం బాధ్యతలను అప్పగించినట్లు తెలుస్తోంది. ఇంకా.. మరో ఐపీఎస్ అధికారి మహేశ్ భగవత్ ను పోలీస్‌ పర్సనల్‌ అదనపు డీజీగా, పోలీస్‌ స్పోర్ట్స్‌ ఐజీగా ఎం.రమేశ్‌కు ప్రభుత్వం అదనపు బాధ్యతలు అప్పగించింది.