వెండితెరపై దువ్వాడ-మాధురి లవ్ స్టోరీ.. టైటిల్ అదిరిపోయిందిగా!

Duvvada-Madhuri: తెలుగు రాష్ట్రాలు, రాజకీయాల్లో సంచలనంగా మారిన వైసీపీ ఎమ్మెల్సీ దువ్వాడ శ్రీనివాస్, దివ్వెల మాధురి లవ్ స్టోరీ వెండితెరకెక్కనుంది. కొంతకాలంగా సోషల్ మీడియాలో వైరల్ అవుతున్న వీరి జీవితగాథను సినిమా రూపంలో చూపించేందుకు తమిళనాడుకు చెందిన నిర్మాత ముందుకొచ్చారు. దువ్వాడ శ్రీనివాస్, మాధురి హీరో హీరోయిన్ గా తెరకెక్కించిన చిత్రానికి 'దువ్వాడ జీవిత గాథ' అనే టైటిల్ కూడా ఫిక్స్ చేసిన ప్రొడ్యూసర్.. తెలుగు, తమిళ్, హిందీ, కర్నాటక భాషల్లో ఏక కాలంలో రిలీజ్ చేసేందుకు ప్లాన్ చేస్తున్నట్లు సమాచారం. 

అంతేకాదు 2025 జనవరి నాటికి వీరిద్దరి కాంబోలో చిత్రీకరించిన తొలి పాట రిలీజ్ చేసేందుకు ప్లాన్ చేస్తున్నారట. ఇప్పటికే రైటర్స్, ప్రొడ్యూసర్ తో దువ్వాడ చర్చలు జరిపినట్లు తెలుస్తోంది. ఇక దువ్వాడ మొదటి భార్య వాణి క్యారెక్టర్ ఎలా చూపించాలనే అంశంలో తర్జనభర్జన పడుతున్నారని, త్వరలోనే స్ర్కిప్ట్ ఫైనల్ చేయబోతున్నట్లు సన్నిహిత వర్గాల్లో చర్చ నడుస్తోంది.