వైసీపీ నుంచి పోటీ చేయను.. కీలక నేత సంచలన ప్రకటన!

ఏపీలో వైసీపీకి మరో బిగ్ షాక్ తగిలింది. తూర్పుగోదావరి జిల్లా వాణిజ్య విభాగం అధ్యక్షుడు రావిరాజు కీలక ప్రకటన చేశారు. ఉభయ గోదావరి జిల్లాల గ్రాడ్యుయేట్ ఎమ్మెల్సీ ఎన్నికల్లో ఇండిపెండెంట్ అభ్యర్థిగా బరిలో దిగనున్నట్లు ప్రకటించారు. ఏ పార్టీతో సంబంధం లేకుండా ఇండిపెండెంట్ అభ్యర్థిగా పోటీ చేస్తున్నట్లు తెలిపారు. తనకు అన్ని పార్టీల మద్దతు ఉందన్నారు. ఇప్పటివరకు తాను ఏ పార్టీ తరఫునా ఏ ఎన్నికల్లోనూ పోటీ చేయలేదన్నారు. గ్రాడ్యుయేట్స్ కు ఏ కష్టమొచ్చినా.. ఆపద వచ్చినా వాళ్ళ తరఫున పోరాడటానికి సిద్ధంగా ఉన్నానన్నారు. గ్రాడ్యుయేట్స్ అంతా ఓటు నమోదు చేసుకోవాలని కోరుతున్నానన్నారు.