భారీ భద్రత నడుమ...జ్ఞానవాపి క్యాంపస్‌లో ASI సర్వే ప్రారంభం..!!

ఉత్తరప్రదేశ్‌లోని వారణాసిలో ఉన్న జ్ఞాన్‌వాపి క్యాంపస్‌లో ASI సర్వేను ప్రారంభించింది. ఈ సందర్భంగా కట్టుదిట్టమైన భద్రతా ఏర్పాట్లు చేశారు. ఆగస్టు 4లోగా సర్వే నివేదికను ఏఎస్‌ఐ సమర్పించాల్సి ఉంటుంది. జూలై 22, శనివారం కోర్టు ప్రాంగణాన్ని సర్వే చేయాలని ఆదేశించిన సంగతి తెలిసిందే. దీని కింద కాశీ విశ్వనాథ ఆలయానికి సమీపంలో ఉన్న మా శృంగార్ గౌరీ-జ్ఞాన్వాపి మసీదు కేసులో వివాదాస్పద భాగాన్ని మినహాయించి మొత్తం జ్ఞానవాపి సముదాయానికి సంబంధించి పురావస్తు పరిశోధన జరుగుతుంది.

కేసు విచారణ సందర్భంగా, హిందూ తరపు న్యాయవాది కాశీ విశ్వనాథ దేవాలయం-జ్ఞాన్వాపి మసీదు వివాదాన్ని మొత్తం మసీదు సముదాయానికి సంబంధించి పురావస్తు పరిశోధన ద్వారా మాత్రమే పరిష్కరించవచ్చని అన్నారు. కాగా, ఏఎస్‌ఐ సర్వేను ముస్లిం వర్గం వ్యతిరేకిస్తోంది. హిందూ తరపు న్యాయవాది సుధీర్ త్రిపాఠి మాట్లాడుతూ.. 'ఈరోజు జ్ఞాన్వాపీ సర్వే జరగనుంది, ఇది మాకు శుభపరిణామం. ఉదయం 7 గంటల నుంచి సర్వే ప్రారంభం అవుతుంది కానీ ఎంతకాలం కొనసాగుతుందో చెప్పలేం అని అన్నారు.

జ్ఞాన్‌వాపి మసీదు కేసులో పిటిషనర్ సోహన్ లాల్ ఆర్య మాట్లాడుతూ, 'ఇది మాకు హిందూ సమాజానికి, కోట్లాది హిందువులకు చాలా గర్వకారణం. ఈ జ్ఞానవాపి సమస్యకు సర్వే ఒక్కటే పరిష్కారం అని అన్నారు.
జ్ఞాన్‌వాపి కేసులో హిందూ పక్షాన న్యాయవాది సుభాష్ నందన్ చతుర్వేది మాట్లాడుతూ, “ఈ సముదాయం మొత్తం ఆలయానికి చెందినదని మేము ఖచ్చితంగా అనుకుంటున్నాము. సర్వే ఫలితాలు మనకు అనుకూలంగా ఉంటాయి.అని వెల్లడించారు.

కాగా జ్ఞాన్‌వాపి మసీదులోకి 24 మంది ASI బృందం ప్రవేశించింది. దీంతో పాటు ఫిర్యాది తరఫు నలుగురు మహిళలు, నలుగురు లాయర్లు కూడా వెళ్లారు. ప్రస్తుతం ముస్లిం వైపు నుంచి ఎవరూ వెళ్లలేదు. మొత్తం 32 మంది క్యాంపస్‌లోకి ప్రవేశించినట్లు సమాచారం. ముస్లిం పక్షం ఈ సర్వేను బహిష్కరించిన విషయం తెలిసిందే.