Spy Satellite: అంతరిక్షంలోకి మూడు అమెరికా స్పై శాటిలైట్స్.. 

Spy Satellite: అమెరికన్ కంపెనీ రాకెట్ ల్యాబ్ గూఢచర్యం కోసం రూపొందించిన మూడు ఉపగ్రహాలను వర్జీనియా నుంచి గురువారం మధ్యాహ్నం 12.55 గంటలకు ఎలక్ట్రాన్ రాకెట్‌తో ప్రయోగించింది. ఈ మిషన్ పేరు NROL-123. కంపెనీ దీనిని లైవ్ అండ్ లెట్ ఫ్లై అని కూడా పిలుస్తుంది. నేషనల్ రికనైసెన్స్ ఆఫీస్ అంటే NRO కోసం రాకెట్ ల్యాబ్ ప్రారంభించిన 5వ మిషన్ ఇది. మిగతా నాలుగు న్యూజిలాండ్‌లోని కంపెనీ లాంచ్ కాంప్లెక్స్ 1 నుండి ప్రారంభమయ్యాయి. నేషనల్ రికనైసెన్స్ ఆఫీస్ అనేది ఇంటెలిజెన్స్ శాటిలైట్‌ల(Spy Satellite)ను డిజైన్ చేయడం, నిర్మించడం, ప్రయోగించడం అలాగే నిర్వహించడం చేసే US ప్రభుత్వ ఏజెన్సీ. 1960లో, ఇది మొదటి గూఢచారి ఉపగ్రహమైన కరోనాను ప్రయోగించింది.

రహస్యంగా మిషన్.. అందుకు అనుమతులు లేవు..
ఈ మిషన్ గురించి చాలా తక్కువ సమాచారం పబ్లిక్‌గా అందుబాటులో ఉంచారు. ప్రత్యక్ష ప్రసార సమయంలో పేలోడ్ క్లోజ్ అప్ షాట్‌లు అనుమతించలేదు. ప్రయోగ(Spy Satellite) వెబ్‌కాస్ట్ లిఫ్ట్‌ఆఫ్ తర్వాత కేవలం 11 నిమిషాలకే ఆగిపోయింది. NROL-123 పేలోడ్‌ని ఒక గంట తర్వాత కక్ష్యలోకి ప్రవేశపెట్టాలని షెడ్యూల్ చేశారు. అయితే, రాకెట్ ల్యాబ్ పేలోడ్ విస్తరణ వివరాలను గోప్యంగా ఉంచింది కంపెనీ.  తన లాంచ్ వెబ్‌కాస్ట్‌ను కేవలం 11 నిమిషాలలో లిఫ్ట్‌ఆఫ్‌లో కంపెనీ ముగించింది.

Please Share: హ్యుందాయ్ వేలాది కార్లను రీకాల్ చేస్తోంది! ఆ కార్లలో మీ కారు ఉందా?

ఇంటెలిజెన్స్ కమ్యూనిటీ NRO మిషన్ల నుండి రహస్య సమాచారాన్ని పొందుతుంది..
ఈ మిషన్‌కు(Spy Satellite) సంబంధించి రాకెట్ ల్యాబ్ ఒక పత్రికా ప్రకటనలో, 'NRO మిషన్లు రెండు డజన్ల దేశీయ ఏజెన్సీలు, సైన్యం, చట్టసభ సభ్యులు, నిర్ణయాధికారులతో సహా గూఢచార సంఘంలోని ప్రతి సభ్యునికి సమాచారాన్ని అందిస్తాయి. ముఖ్యమైన సమాచారాన్ని మరింత మంది ప్రభుత్వ వినియోగదారులకు అందిస్తారు. 

ఇప్పటి వరకు 46 ఎలక్ట్రాన్ మిషన్లను ప్రారంభించిన అమెరికా కంపెనీ..
అమెరికా ఆధారిత కంపెనీ ఇప్పటి వరకు 46 ఎలక్ట్రాన్ మిషన్లను ప్రారంభించింది. గురువారం నాటి ప్రయోగం కాకుండా  రాకెట్ ల్యాబ్ ఇప్పటికే 178 ఉపగ్రహాల(Spy Satellite)ను అంతరిక్షంలోకి ప్రవేశపెట్టింది. రాకెట్ ల్యాబ్ ఎలక్ట్రాన్ ప్రయోగ వాహనం 18 మీటర్ల ఎత్తున్న రెండు-దశల రాకెట్.