Alla Nani : జగన్ కు మరో చిక్కు . .వైసీపీకి రాజీనామా చేసిన మాజీ డిప్యూటీ సీఎం!

Alla Nani Resigned To YCP : వైసీపీ (YCP) అన్ని పదవులకు మాజీ డిప్యూటీ సీఎం ఆళ్లనాని (Alla Nani) రాజీనామా చేస్తున్నట్లు ప్రకటించారు .  ఈమేరకు ఆయన వైసీపీ అధినేత జగన్మోహన్ రెడ్డికి లేఖ రాశారు. ప్రస్తుతం ఏలూరు జిల్లా పార్టీ అధ్యక్షుడుగా ఆళ్ళ నాని వ్యవహరిస్తున్నారు.

ఆళ్లనాని జగన్ (YS Jagan) కు రాసిన లేఖలో పలు అంశాలు ప్రస్తావించినట్టు సమాచారం .  వ్యక్తిగత కారణాలతో భవిష్యత్ లో ప్రత్యక్ష రాజకీయాలకు దూరంగా ఉండాలని అనుకుంటున్నట్టు వెల్లడించిన ఆళ్లనాని .

సాధారణంగా ఆళ్ల నానిగా చెప్పుకునే ఈయన పూర్తి పేరు ఆళ్ల కాళీ కృష్ణ శ్రీనివాస్.  ఈయన  2004 - 2013 మధ్య భారత జాతీయ కాంగ్రెస్ సభ్యునిగా ఏలూరు నియోజకవర్గం నుండి ఆంధ్రప్రదేశ్ శాసనసభలో శాసనసభ్యునిగా ఉన్నారు .  కాంగ్రెస్‌కు ఎమ్మెల్యే పదవికి రాజీనామా చేసి 2013లో వైఎస్సార్‌ కాంగ్రెస్‌ పార్టీలో చేరారు. 2014 ఎన్నికల్లో వైఎస్సార్‌సీపీ తరఫున పోటీ చేసి ఓడిపోయారు. 2017లో ఎమ్మెల్సీ అయ్యారు .  ఆ తరువాత మళ్లీ ఏలూరు నుంచి 2019 ఎన్నికల్లో పోటీ చేసి ,  YSRCP నుంచి ఎమ్మెల్యేగా తిరిగి ఎన్నికై  వై.ఎస్. జగన్ మోహన్ రెడ్డి మంత్రివర్గంలో ఉపముఖ్యమంత్రిగా ,  ఆరోగ్య కుటుంబ సంక్షేమ, వైద్య విద్య మంత్రిగా బాధ్యతలు నిర్వహించారు .  ఇటీవల జరిగిన ఎన్నికల్లో ఆయన ఓటమి పాలయ్యారు .  తరువాత ఆయన ఏలూరు జిల్లాకు వైసీపీ పార్టీ అధ్యక్షునిగా వ్యవహరిస్తున్నారు .

ఈ మధ్య చాలాకాలంగా ఆయన పార్టీని వీడుతారని ప్రచారం జరుగుతోంది .  ఇప్పటికే ఆయన పార్టీ కార్యకలాపాలకు దూరంగా ఉంటూ వస్తున్నారు .  ఈ నేపథ్యంలో . . ఆళ్లనాని వైసీపీని వీడుతున్నారంటూ వచ్చిన వార్తలను నిజం చేస్తూ రాజీనామా లేఖను జగన్ కు పంపించారు ఆళ్లనాని .

ఇప్పటికే ఒక్కొక్కరుగా కీలక నేతలు వైసీపీని వీడుతున్నారు .  నిన్నటికి నిన్న పిఠాపురం నుంచి మాజీ ఎమ్మెల్యే పెండ్యం  దొరబాబు పార్టీని విడి జనసేనలో చేరిపోయారు. అధికారం కోల్పోవడమే కాకుండా . . కనీస ప్రతిపక్ష హోదా కూడా దక్కకపోవడంతో వైసీపీ నేతలు తీవ్ర నిరాశలో ఉన్నారు .  దీంతో చాలా మంది నాయకులు బహిరంగంగానే పార్టీని . . అధినేత జగన్మోహన్ రెడ్డిని విమర్శిస్తూ వస్తున్నారు.

Also Read : గురుకుల స్కూల్‌లో వరుస విషాదాలు.. ఉన్నట్టుండి చనిపోతున్న విద్యార్థులు.. అసలేం జరుగుతుంది?