Actress Megha Akash : ఎంగేజ్ మెంట్ చేసుకొని షాకిచ్చిన 'నితిన్' హీరోయిన్.. వైరల్ అవుతున్న ఫొటోలు

Actress Megha Akash : నితిన్ సరసన 'లై' సినిమాతో తెలుగు వెండితెరకు హీరోయిన్ గా ఎంట్రీ ఇచ్చిన మేఘా ఆకాష్. మొదటి సినిమాతోనే తన అందం, అభినయంతో ఆకట్టుకుంది. ఆ తర్వాత తెలుగుతో పాటూ తమిళంలోనూ వరుస అవకాశాలు అందుకుంది. గత ఏడాది ఏకంగా మూడు సినిమాలతో ఆడియన్స్ ని ఆకట్టుకుంది.

ఇదిలా ఉంటే గత కొన్ని నెలలుగా ఈ హీరోయిన్ పెళ్లి చేసుకోబోతున్నట్లు సోషల్ మీడియాలో వార్తలు తెగ వైరల్ అయ్యాయి. తమిళనాడుకు చెందిన ప్రముఖ రాజకీయ నాయకుడి కొడుకుతో వివాహం చేసుకోనుందని అన్నారు. కానీ దీనిపై మేఘా ఆకాష్ ఎలాంటి రియాక్షన్ ఇవ్వలేదు. ఇక తాజాగా ఈ యంగ్ బ్యూటీ తన పెళ్లి వార్తలను నిజం చేస్తూ నిశ్చితార్థం చేసుకొని ఒక్కసారిగా షాకిచ్చింది.

Also Read : ‘ఇంద్ర’ రీ రిలీజ్.. థియేటర్ లో రచ్చ రచ్చ చేసిన టీడీపీ ఎమ్మెల్యే, వీడియో వైరల్

సాయి విష్ణు అనే కుర్రాడితో ఎలాంటి హడావుడి లేకుండా నిశ్చితార్థం చేసుకుంది. ఇందుకు సంబంధించిన మూడు ఫొటోల్ని ఇన్ స్టాలో పోస్ట్ చేసింది. ఆగస్టు 22న ఈ శుభకార్యం జరిగినట్లు చెప్పుకొచ్చింది. కాగా మేఘా ఆకాష్ కాబోయే భర్త ఎవరు? బ్యాక్ గ్రౌండ్ ఏంటి? అనే వివరాలు ఇంకా తెలియాల్సి ఉన్నాయి.