AC Cabin in Trucks: ట్రక్ డ్రైవర్లకు చల్లని కబురు.. ఇకపై ఏసీ క్యాబిన్స్ తప్పనిసరి

AC Cabin in Trucks: ట్రక్ డ్రైవర్లకు ఎయిర్ కండిషన్డ్ క్యాబిన్ అక్టోబర్ 2025 నుంచి తప్పనిసరి అవుతుంది. రోడ్డు రవాణా - రహదారుల మంత్రిత్వ శాఖ ఈ విషయాన్ని ప్రకటించింది. దేశంలోని లాజిస్టిక్స్ రంగంలో ఖర్చులను తగ్గించడం, దూర ప్రయాణాల్లో డ్రైవర్ల ఆరోగ్యంపై ప్రతికూల ప్రభావాన్ని తగ్గించడం అలాగే రోడ్డు ప్రమాదాలను నివారించడం కోసం ప్రభుత్వం ఈ నిర్ణయం తీసుకుంది.

నోటిఫికేషన్ ప్రకారం, అక్టోబర్ 1, 2025 తర్వాత తయారు అయ్యే అన్ని  N2 -  N3 కేటగిరీ వాహనాల క్యాబిన్‌లలో ఎయిర్ కండిషన్ సిస్టమ్(AC Cabin in Trucks) ఇన్‌స్టాల్ చేయాలి. అంటే అన్ని కొత్త ట్రక్కులు డ్రైవర్ల కోసం ఫ్యాక్టరీ నుంచి  అమర్చిన AC క్యాబిన్‌లను కలిగి ఉండాలి. నిజానికి ఈ విధానం కోసం ముందు జనవరి 1, 2025 ను నిర్ణయించారు. కానీ, ఇపుడు దానిని అక్టోబర్ వరకూ పెంచారు. 

N2 -N3 కేటగిరీ వాహనాలు అంటే.. 

• N2 వర్గం: ఈ వర్గంలోకి  మొత్తం బరువు 3.5 టన్నుల కంటే ఎక్కువ - 12 టన్నుల కంటే తక్కువ ఉన్న భారీ వస్తువుల వాహనాలు వస్తాయి. 
• N3 వర్గం: ఈ వర్గం మొత్తం బరువు 12 టన్నుల కంటే ఎక్కువ ఉన్న భారీ వస్తువుల వాహనాలను కలిగి ఉంటుంది.

ఇప్పటికే టాటా, మహీంద్రాతో సహా అనేక కంపెనీలు ట్రక్ డ్రైవర్ల కోసం ఎయిర్ కండిషన్డ్ క్యాబిన్ల(AC Cabin in Trucks)ను అందజేస్తున్నాయి. దేశంలోని టాప్ 5 ట్రక్కుల తయారీదారుల గురించి చూస్తే,  మార్కెట్ క్యాప్ పరంగా టాటా మోటార్స్ మొదటి స్థానంలో ఉంది. దీని తర్వాత మహీంద్రా & మహీంద్రా, ఐషర్ మోటార్స్, అశోక్ లేలాండ్ - ఫోర్బ్స్ మోటార్స్ ఉన్నాయి.

డిసెంబర్ 15 నుంచి  దేశంలో కార్ల క్రాష్ టెస్ట్.. 

దేశంలో నడుస్తున్న కార్లకు సేఫ్టీ రేటింగ్ ఇవ్వడానికి, భారత ఏజెన్సీ భారత్ న్యూ కార్ అసెస్‌మెంట్ ప్రోగ్రామ్ (భారత్ NCAP లేదా BNCAP) డిసెంబర్ 15 నుంచి  క్రాష్ టెస్ట్‌ను ప్రారంభించబోతోంది. 2023. ఇండియన్ కార్ టెస్టింగ్ ఏజెన్సీ అక్టోబర్ 1న ప్రారంభించింది. 

Also Read:టాటా కమర్షియల్ వెహికిల్స్ ధరలు పెరిగాయి.. ఎంత అంటే.. 

క్రాష్ టెస్ట్  ప్రక్రియ

1. పరీక్ష కోసం, కారులో 4 నుంచి 5 మనుష్యుల లాంటి డమ్మీలను ఉంచుతారు.  వెనుక సీటులో చైల్డ్ డమ్మీ ఉంటుంది. ఇది చైల్డ్ ISOFIX యాంకర్ సీటుకు ఫిక్స్ అయింది. 
2. వాహనం - డమ్మీకి ఎంత నష్టం జరిగిందో చూడటానికి నిర్ణీత వేగంతో వాహనం ఆఫ్‌సెట్ డిఫార్మబుల్ బారియర్ (హార్డ్ ఆబ్జెక్ట్)తో ఢీ కొట్టేలా చేస్తారు.  ఇది మూడు విధాలుగా జరుగుతుంది.

• ఫ్రంటల్ ఇంపాక్ట్ టెస్ట్‌లో, కారు 64 kmph వేగంతో ఒక అవరోధంతో ఢీ కొడుతుంది. 
• సైడ్ ఇంపాక్ట్ పరీక్షలో, వాహనం 50 కిమీ వేగంతో అడ్డంకిని  ఢీకొంటుంది.
• పోల్ సైడ్ ఇంపాక్ట్ టెస్ట్‌లో, కారు నిర్ణీత వేగంతో స్తంభాన్ని ఢీకొట్టినట్లు కనిపిస్తుంది. మొదటి రెండు టెస్టుల్లో కారు 3 స్టార్ రేటింగ్ సాధిస్తే, మూడో టెస్ట్ నిర్వహిస్తారు.

3. పరీక్షలో, ఎయిర్‌బ్యాగ్‌లు -సేఫ్టీ ఫీచర్‌లు పని చేశాయా లేదా అనే దాని ప్రభావం తర్వాత డమ్మీకి ఎంత నష్టం జరిగింది. వీటన్నింటి ఆధారంగా రేటింగ్ ఇస్తారు.

Watch this interesting Video: