Arvind Kejriwal: తీహార్ జైల్లో కేజ్రీవాల్ కు ప్రాణహాని...హై అలర్ట్ లో గార్డ్స్..!

Arvind Kejriwal: తీహార్ జైల్లో ముప్పు పొంచి ఉన్నట్లు అధికారులకు సమాచారం అందడంతో అలర్ట్ అయ్యారు. అదే కారాగారంలో ఉన్న కొంతమంది గ్యాంగులు పాపులర్ అయ్యేందుకు ఆయనపై దాడి చేసేఅవకాశం ఉందని అధికారులు అంచనా వేశారు. ప్రస్తుతం తీహార్ లోని జైల్ నెంబర్ 2లో కేజ్రీవాల్ ఉన్నారు. గతంలో ఇక్కడ చాలా హత్యలు జరిగాయి. 2021లో శ్రీకాంత్ రామస్వామి అనే నిందితుడిని ఇక్కడి గ్యాంగ్ వార్ చంపారు. ఢిల్లీలో వసంత్ విహార్ దగ్గర 2015లో జరిగిన ఓ హత్యకేసులో అతడిని అరెస్టు చేశారు. సహా ఖైదీలు అతన్ని బ్యాట్లతో తీవ్రంగా కొట్టినట్లు జైలు అధికారులు కోర్టుకు నివేదించారు. కాగా ఇప్పటికే ఖలిస్తానీ టెర్రరిస్టు గురుపత్వంత్ సింగ్ పన్నూ నుంచి కేజ్రీవాల్ కు బెదిరింపులు వచ్చాయి. తీహార్ జైల్లోని ఖలిస్తానీలు దాడి చేస్తారని హెచ్చరించారు. ఈ మేరకు వీడియోను విడుదల చేసిన సంగతి తెలిసిందే.

ఢిల్లీ లిక్కర్ పాలసీకి సంబంధించిన మనీలాండరింగ్ కేసులో తీహార్ జైలులో ఉన్న ముఖ్యమంత్రి అరవింద్ కేజ్రీవాల్ ఆరోగ్యం బాగాలేదు. అరెస్టు తర్వాత కేజ్రీవాల్ నాలుగున్నర కిలోల బరువు తగ్గారని జాతీయ మీడియా చెబుతోంది. దీనిపై వైద్యులు ఆందోళన వ్యక్తం చేశారు.ఢిల్లీ ఎక్సైజ్ పాలసీకి సంబంధించిన లాండరింగ్ కేసులో కేంద్ర దర్యాప్తు సంస్థ ఆమ్ ఆద్మీ పార్టీ (ఆప్) జాతీయ కన్వీనర్ అరవింద్ కేజ్రీవాల్‌ను మార్చి 21న అరెస్టు చేసింది. దీని తర్వాత, కేజ్రీవాల్ ఈడీ కస్టడీలో ఉన్నారు. ఆపై కోర్టు అతన్ని ఏప్రిల్ 15 వరకు జ్యుడిషియల్ కస్టడీకి పంపింది. జ్యుడీషియల్ కస్టడీకి పంపిన తర్వాత, కేజ్రీవాల్‌ను తీహార్ జైలులోని నంబర్ 2లో ఉంచారు.

నిజానికి ఢిల్లీ లిక్కర్ పాలసీ రూపకల్పన, అమలులో జరిగిన అవకతవకలకు అరవింద్ కేజ్రీవాల్ ప్రధాన కుట్రదారు అని ఈడీ పేర్కొంది. దీంతో పాటు పలువురు ఆప్ నేతల ప్రమేయం కూడా ఉన్నట్లు కేంద్ర దర్యాప్తు సంస్థ చెబుతోంది. ఈ కేసులో మాజీ డిప్యూటీ సీఎం మనీష్ సిసోడియా జైలులో ఉన్నారు. ఆప్ రాజ్యసభ ఎంపీ సంజయ్ సింగ్‌కు ఈ కేసులో ఉపశమనం ఇస్తూ, కోర్టు మంగళవారం (ఏప్రిల్ 3, 2024) బెయిల్ మంజూరు చేసింది. ఈ కేసులో సింగ్‌కు బెయిల్ మంజూరు చేయడానికి తమకు అభ్యంతరం లేదని ఈడీ తెలిపింది. ఈడి ఆరోపణలు నిరాధారమైనవని ఆ పార్టీ పేర్కొంది.

ఆప్ ఏం చెప్పింది?
ఢిల్లీ ప్రభుత్వంలో మంత్రి, ఆప్ నాయకుడు అయిన అతిషి మంగళవారం నాడు తన సన్నిహిత వ్యక్తి తనను బిజెపిలో చేరాలని లేదా నెలలో అరెస్టు చేయడానికి సిద్ధంగా ఉండాలని చెప్పారని పేర్కొన్నారు. నాతో పాటు సౌరభ్ భరద్వాజ్, ఎమ్మెల్యే దుర్గేష్ పాఠక్, రాజ్యసభ సభ్యుడు రాఘవ్ చద్దాను కూడా అరెస్టు చేస్తామని చెప్పారు.

ఇది కూడా  చదవండి: సామాన్యులకు అందనంత ఎత్తుకు.. పరుగులు పెడుతోన్న బంగారం, వెండి ధరలు.!