Accident: హుస్నాబాద్‌లో ఘోర రోడ్డు ప్రమాదం.. ఆర్టీసీ బస్సు ఢీకొని యువకుడు మృతి!

Husnabad: కరీంగనర్ జిల్లా హుస్నాబాద్‌లో ఘోర రోడ్డు ప్రమాదం జరిగింది. హుస్నాబాద్ నుంచి కరీంనగర్ వెళ్లే దారిలో హుస్నాబాద్ సబ్ స్టేషన్ వద్ద ఆర్టీసీ బస్సు ఢీకొని యువకుడు అక్కడికక్కడే మృతి చెందాడు. శుక్రవారం హుస్నాబాద్ అంగడికి వచ్చిన కొహెడ మండలం రామచంద్రాపూర్ గ్రామానికి చెందిన దావా రాము (35) అనే యువకుడు ద్విచక్ర వాహనంపై వెళ్తుండగా ఆర్టీసీ బస్సు బలంగా ఢీ కొట్టింది. దీంతో తీవ్రగాయలైన రాము అక్కడికక్కడే దుర్మరణం చెందాడు. ఇందుకు సంబంధించిన ఫొటో, వీడియోలు వైరల్ అవుతున్నాయి. సమాచారం అందుకున్న పోలీసులు కేసు నమోదు చేసుకుని దర్యాప్తు చేస్తున్నారు. రాము అకాల మరణంతో రామచంద్రాపూర్ గ్రామంలో విషాద ఛాయలు అలుముకున్నాయి. ఈ ప్రమాదానికి సంబంధించి మరిన్ని వివరాలు తెలియాల్సివుంది.