Breaking: యూపీ లో లిఫ్ట్‌ కూలి నలుగురి మృతి

గ్రేటర్‌ నోయిడాలోని నిర్మాణంలో ఉన్న భవంతిలోని శుక్రవారం లిఫ్ట్‌ కూలిపోవడంతో నలుగురు మృతి చెందారు. మరో ఐదుగురు తీవ్రంగా గాయపడ్డారు. ఆమ్రపాలి బిల్డర్స్ నిర్మాణాన్ని చేపడుతున్న ఓ చోట ఈ ఘటన చోటు చేసుకుంది. బిస్రఖ్‌ పోలీసు స్టేషన్‌ పరిధిలోని గౌర్‌ సిటీలో ఈ నిర్మాణం చేపట్టారు.

లిఫ్ట్‌ ఒక్కసారిగా కుప్పకూలడంతో అక్కడికక్కడే నలుగురు మృతి చెందగా..మరో ఐదుగురికి తీవ్రగాయాలు అయ్యాయి. గాయపడిన వారిని స్థానిక ఆసుపత్రికి తరలించారు. ప్రమాదం గురించి సమాచారం అందుకున్న వెంటనే పోలీసులు సంఘటనా స్థలానికి చేరుకుని సహాయక చర్యలు చేపట్టారు. ఈ కేసు గురించి దర్యాప్తు చేపట్టినట్లు జిల్లా మేజిస్ట్రేట్‌ మనీష్‌ శర్మ తెలిపారు.

updated soon