ఇంకా చాలా టైమ్ ఉంది. అంతలోనే 3 సినిమాలు క్రిస్మస్ కు షెడ్యూల్ అయ్యాయి. ఏదో ప్రకటించి ఊరుకోవడం కాదు. ఏకంగా తేదీలు కూడా ప్రకటించి పోస్టర్లు వేసేంత వరకు వెళ్లారు. క్రిస్మస్ సీజన్ లో వరుసగా 3 రోజుల్లో 3 సినిమాలు రిలీజ్ అవుతున్నాయి. ఇంతకీ ఆ 3 సినిమాలేంటో తెలుసా?

నాని హీరోగా నటిస్తున్న సినిమా హాయ్ నాన్న. శౌర్యువ్ దర్శకుడిగా పరిచయం అవుతున్నాడు. మృణాల్ ఠాకూల్ హీరోయిన్ గా నటిస్తోంది. ఈ సినిమాను క్రిస్మస్ బరిలో డిసెంబర్ 21న విడుదల చేయబోతున్నారు.

హాయ్ నాన్న రిలీజైన మరుసటి రోజు, అంటే డిసెంబర్ 22న సైంధవ్ సినిమా రిలీజ్ అవుతోంది. శైలేష్ కొలను దర్శకత్వంలో వెంకీ నటిస్తున్న సినిమా ఇది. ఈ సినిమాపై భారీ అంచనాలున్నాయి.

ఇక ఆ తర్వాత, అంటే డిసెంబర్ 23న నితిన్ హీరోగా నటిస్తున్న ఎక్స్ ట్రా సినిమాను రిలీజ్ చేయబోతున్నారు. వక్కంతం వంశీ దర్శకత్వంలో తెరకెక్కుతున్న ఈ సినిమాలో శ్రీలీల హీరోయిన్. వక్కంతం వంశీ దర్శకుడు.

ఇలా క్రిస్మస్ బరిలో 3 రోజుల్లో 3 సినిమాలు రిలీజ్ అవుతున్నాయి. ప్రతి సినిమాకు గ్యాప్ 24 గంటలు మాత్రమే. సంక్రాంతి సీజన్ లో మాత్రమే కనిపించేంత పోటీ, ఈసారి క్రిస్మస్ కు కనిపిస్తోందన్నమాట.