2008 నుంచి 2024 వరకూ ఐపీఎల్ ట్రోఫీలు గెలిచిన టీమ్స్ ఇవే

ఇండియన్ ప్రీమియర్ లీగ్ 17వ సీజన్‌లో కోల్‌కతా నైట్ రైడర్స్ టైటిల్ గెలుచుకుంది. IPL ఇంతకు ముందు  16 ఎడిషన్లలో ఏ జట్టు ఛాంపియన్‌గా నిలిచింది అనే పూర్తి లిస్ట్ ఇక్కడ ఉంది...

IPL 2023 Winners

IPL 2023- చెన్నై సూపర్ కింగ్స్: గత సీజన్‌లో, IPLలో గుజరాత్ టైటాన్స్‌ను ఓడించి చెన్నై సూపర్ కింగ్స్ 5వ సారి టైటిల్ గెలుచుకుంది. ఈ మ్యాచ్‌లో తొలుత బ్యాటింగ్ చేసిన గుజరాత్ టైటాన్స్ 20 ఓవర్లలో 214 పరుగులు చేసింది. అయితే రెండో ఇన్నింగ్స్‌లో వర్షం రావడంతో డక్‌వర్త్ లూయిస్ నిబంధనల ప్రకారం చెన్నై సూపర్ కింగ్స్ జట్టుకు 15 ఓవర్లలో 171 పరుగుల లక్ష్యాన్ని నిర్దేశించారు. ఈ లక్ష్యాన్ని ఛేదించిన సీఎస్‌కే జట్టు 5 వికెట్ల తేడాతో విజయం సాధించింది.

IPL 2022 Winners

IPL 2022- గుజరాత్ టైటాన్స్: ఐపీఎల్ 2022లో రాజస్థాన్ రాయల్స్‌ను ఓడించి గుజరాత్ టైటాన్స్ తొలిసారి టైటిల్ గెలుచుకుంది. ఈ మ్యాచ్‌లో తొలుత బ్యాటింగ్ చేసిన రాజస్థాన్ రాయల్స్ 130 పరుగులు మాత్రమే చేసింది. ఈ సులభమైన లక్ష్యాన్ని ఛేదించిన గుజరాత్ టైటాన్స్ జట్టు 18.1 ఓవర్లలో 3 వికెట్ల నష్టానికి 133 పరుగులు చేసి 7 వికెట్ల తేడాతో విజయం సాధించింది. ఈ ఐపీఎల్ ద్వారా హార్దిక్ పాండ్య పడే ట్రోఫీని కైవసం చేసుకున్నాడు.

IPL 2021 Winners

IPL 2021-చెన్నై సూపర్ కింగ్స్: IPL 2021లో చెన్నై సూపర్ కింగ్స్ ఛాంపియన్‌గా నిలిచింది. కోల్ కతా నైట్ రైడర్స్ తో జరిగిన ఫైనల్ మ్యాచ్ లో తొలుత బ్యాటింగ్ చేసిన చెన్నై 3 వికెట్ల నష్టానికి 192 పరుగులు చేసింది. ఈ భారీ స్కోరును ఛేదించడానికి బరిలో దిగిన  కేకేఆర్ 9 వికెట్లు కోల్పోయి 165 పరుగులు మాత్రమే చేయగలిగింది. దీంతో సీఎస్‌కే 27 పరుగుల తేడాతో గెలిచి చాంపియన్‌గా నిలిచింది.

IPL 2020 Winners

IPL 2020-ముంబయి ఇండియన్స్: ఐపీఎల్ 2020 ఫైనల్ మ్యాచ్‌లో ఢిల్లీ క్యాపిటల్స్, ముంబై ఇండియన్స్ జట్లు తలపడ్డాయి. ఈ మ్యాచ్‌లో ముంబై ఇండియన్స్ 5 వికెట్ల తేడాతో విజయం సాధించి ఐదోసారి చాంపియన్‌గా నిలిచింది.

IPL 2019 Winners

IPL 2019-ముంబై ఇండియన్స్: ఐపీఎల్ 12వ సీజన్ ఫైనల్లో పటిష్టమైన ముంబై ఇండియన్స్, చెన్నై సూపర్ కింగ్స్ జట్లు తలపడ్డాయి. ఫైనల్‌ చివరి బంతికి 1 పరుగు తేడాతో గెలిచి ముంబై ఇండియన్స్‌ చాంపియన్‌గా నిలిచింది.

IPL 2018 Winners

IPL 2018-చెన్నై సూపర్ కింగ్స్: IPL లో రెండు కంటే ఎక్కువ ట్రోఫీలు గెలుచుకున్న రెండవ జట్టు చెన్నై సూపర్ కింగ్స్. 2018లో సన్‌రైజర్స్ హైదరాబాద్‌పై విజయం సాధించడం ద్వారా CSK ఛాంపియన్‌గా నిలిచింది.

IPL 2017 Winners

IPL 2017-ముంబయి ఇండియన్స్: IPL 2017 ఫైనల్లో, ముంబై ఇండియన్స్ కేవలం ఒక పరుగు తేడాతో రైజింగ్ పూణె సూపర్‌జెయింట్‌ను ఓడించి ఛాంపియన్‌గా నిలిచింది.

IPL 2016 Winners

IPL 2016-సన్‌రైజర్స్ హైదరాబాద్: రాయల్ ఛాలెంజర్స్ బెంగళూరుతో జరిగిన ఫైనల్ మ్యాచ్‌లో సన్‌రైజర్స్ హైదరాబాద్ జట్టు 8 పరుగుల తేడాతో గెలిచి తొలిసారిగా ఛాంపియన్‌గా అవతరించింది.

IPL 2015 Winners

IPL 2015-ముంబై ఇండియన్స్: 2015 ఫైనల్లో, ముంబై ఇండియన్స్ చెన్నై సూపర్ కింగ్స్‌పై 41 పరుగుల భారీ విజయంతో ఛాంపియన్‌గా నిలిచింది.

IPL 2014 Winners

IPL 2014-కోల్‌కతా నైట్ రైడర్స్: కింగ్స్ ఎలెవన్ పంజాబ్ నిర్దేశించిన 199 పరుగుల లక్ష్యాన్ని కేకేఆర్ 3 వికెట్ల తేడాతో థ్రిల్లింగ్‌గా ఛేదించింది.

IPL 2013 Winners

IPL 2013-ముంబై ఇండియన్స్: చెన్నై సూపర్ కింగ్స్‌తో జరిగిన ఫైనల్లో ముంబై ఇండియన్స్ 23 పరుగుల తేడాతో విజయం సాధించి తొలిసారి టైటిల్‌ను గెలుచుకుంది.

IPL 2012 Winners

IPL 2012-కోల్‌కతా నైట్ రైడర్స్: చెన్నై సూపర్ కింగ్స్‌ను 5 వికెట్ల తేడాతో ఓడించడం ద్వారా కోల్‌కతా నైట్ రైడర్స్ ఐపీఎల్‌లో తొలిసారి ఛాంపియన్‌గా అవతరించింది.

IPL 2011 Winners

IPL 2011-చెన్నై సూపర్ కింగ్స్: చెన్నై సూపర్ కింగ్స్ IPL చరిత్రలో బ్యాక్ టు బ్యాక్ ఫైనల్స్ గెలిచిన మొదటి జట్టుగా నిలిచింది. ఆర్‌సీబీతో జరిగిన ఫైనల్లో 58 పరుగుల తేడాతో విజయం సాధించి ట్రోఫీని కైవసం చేసుకుంది.

IPL 2010 Winners

IPL 2010-చెన్నై సూపర్ కింగ్స్: 2010 ఫైనల్ మ్యాచ్‌లో చెన్నై సూపర్ కింగ్స్ 22 పరుగుల తేడాతో ముంబై ఇండియన్స్‌ను ఓడించి తొలిసారి టైటిల్‌ను గెలుచుకుంది.

IPL 2009 Winners

IPL 2009-డక్కన్ ఛార్జర్స్: IPL 2వ సీజన్ చివరి మ్యాచ్‌లో, డెక్కన్ ఛార్జర్స్ (ప్రస్తుతం SRH) జట్టు RCB జట్టును 6 పరుగుల తేడాతో ఓడించి టైటిల్ గెలుచుకుంది.

IPL 2008 Winners

IPL 2008-రాజస్థాన్ రాయల్స్: IPL మొదటి సీజన్‌లో చెన్నై సూపర్ కింగ్స్ - రాజస్థాన్ రాయల్స్ జట్లు తలపడ్డాయి. ఈ మ్యాచ్‌లో తొలుత బ్యాటింగ్ చేసిన సీఎస్‌కే 163 పరుగులు చేసింది. ఈ పోటీ సవాలును ఛేదించిన రాజస్థాన్ రాయల్స్ చివరి బంతికి విజయం సాధించి ఉత్కంఠ విజయంతో తొలి ఛాంపియన్‌గా అవతరించింది.

Also Read: ఐపీఎల్ చరిత్రలోనే చెత్త రికార్డ్ మూటగట్టుకున్న ఎస్ఆర్‌హెచ్!