AP: వైసీపీ కార్యకర్త దారుణ హత్య.. 11 మంది అరెస్ట్..!

Nandyal: నంద్యాల జిల్లా సీతారామపురంలో వైసీపీ కార్యకర్త సుబ్బరాయుడు దారుణ హత్యకు గురైన సంగతి తెలిసిందే. 30 మంది ఇంట్లోకి చొరబడి సుబ్బరాయుడిని బయటకు లాక్కొచ్చి, కత్తులతో పొడిచి, బండరాయితో మోది హత్య చేశారు. అడ్డుకున్న కుటుంబ సభ్యులపైనా కూడా దాడి చేశారు. ఈ హత్య కేసుపై నంద్యాల జిల్లా పోలీసులు నిర్లక్ష్యంగా వ్యవహరించారని హోంశాఖ సీరియస్ అయి ఇద్దరు అధికారులను కూడా సస్పెండ్ చేసింది.

Also Read: ఎమ్మెల్యే ప్రశాంతిరెడ్డి మమ్మల్ని కాపాడండి: గ్రామస్తులు

అయితే, తాజాగా ఈ కేసులో కీలక పరిణామం చోటుచేసుకుంది. 11 మంది నిందితులను పోలీసులు అరెస్ట్ చేశారు. హత్యకు ఉపయోగించిన మూడు కత్తులు, కట్టెలు, సెల్ ఫోన్స్, ఫార్చునర్ కారును స్వాదీనం చేసుకున్నారు. మిగిలిన నిందితుల కోసం కూడా ప్రత్యేక బృందాలు గాలిస్తున్నాయి.