Andhra Pradesh: అనంతపురంలో దారుణం.. ఇద్దరు యువకులు ఓ యువతిని..

Anantapur: అనంతపురంలో దారుణం చోటు చేసుకుంది. ప్రేమ(Love) పేరుతో బిటెక్ విద్యార్థినిపై ఓ యువకుడు అఘాయిత్యానికి పాల్పడితే.. ఆ వీడియోలను అడ్డం పెట్టుకుని మరో యువకుడు బాధిత యువతిపై లైంగిక దాడికి పాల్పడ్డాడు. ఆలస్యంగా వెలుగులోకి వచ్చిన ఈ ఘోరానికి సంబంధించిన వివరాలు ఇలా ఉన్నాయి.

పోలీసులు తెలిపిన సమాచారం ప్రకారం.. అనంతపురంలోని పెద్దవడుగూరికి చెందిన సాఫ్ట్‌వేర్ ఇంజనీర్ కృష్ణారెడ్డి.. ప్రేమ పేరుతో బీటెక్ విద్యార్థినిని బెదిరింపులకు పాల్పడ్డాడు. ప్రేమించకపోతే తాను చనిపోతానంటూ బెంగళూరుకి పిలిపించుకున్నాడు. అక్కడ ఆమెపై అత్యాచారం చేశాడు. అందుకు సంబంధించి ఫోటోలు, వీడియోలు చిత్రీకరించాడు. అయితే, అతని చెర నుంచి తప్పించుకుని వచ్చిన యువతికి మరో షాక్ తగిలింది. గుంతకల్లుకు చెందిన దివాకర్ అనే యువకుడు.. యువతిని బ్లాక్‌మెయిల్ చేశాడు. ప్రైవేట్ వీడియోలు తన వద్ద ఉన్నాయంటూ యువతిని బెదిరించాడు. అలా యువతిని ఓ లాడ్జికి పిలిపించుకున్న దివాకర్.. ఆమెపై రెండు రోజుల పాటు లైంగిక దాడికి పాల్పడ్డాడు.

ఇంతటితో ఆగని దుర్మార్గులు.. యువతి వీడియోలను తమ తమ మిత్రులకు షేర్ చేశారు కృష్ణా రెడ్డి, దివాకర్. ఈ విషయాన్ని బంధువుల ద్వారా తీసుకున్న బాధితురాలు, ఆమె కుటుంబ సభ్యులు.. దిశ పోలీసులకు ఫిర్యాదు చేశారు. వెంటనే కేసు నమోదు చేసిన పోలీసులు.. ఇద్దరు కీచక యువకులను అరెస్ట్ చేశారు. ఈ ఇద్దరు దుర్మార్గులపై పలు సెక్షన్ల కింద కేసు నమోదు చేసినట్లు దిశ డీఎస్పీ ఆంథోనప్ప తెలిపారు. ఎవరి బెదిరింపులకు భయపడాల్సిన పని లేదని, మహిళ, విద్యార్థులు సమస్య ఎదురైతే పోలీసులకు వెంటనే ఫిర్యాదు చేయాలని విజ్ఞప్తి చేశారు డీఎస్పీ.

Also Read:

పొంగులేటి శ్రీనివాస్ ఆస్తి ఎంతో తెలుసా.. లెక్కలు చూస్తే కళ్లు తేలేస్తారు..!

నల్లగొండలో కోమటిరెడ్డి వర్సెస్ కంచర్ల.. ఎవరి బలమెంతో తెలుసా?