Bitcoin ETF: ఆసియాలో మొదటి బిట్‌కాయిన్ ఇటిఎఫ్.. ఏ దేశం తెస్తోందంటే.. 

బిట్‌కాయిన్ ఇటిఎఫ్ అమెరికాలో ప్రకంపనలు సృష్టించిన తర్వాత, ఆసియా దేశాలు కూడా బిట్‌కాయిన్ ఇటిఎఫ్‌పై ఆసక్తి చూపడం ప్రారంభించాయి. హాంకాంగ్‌లో బిట్‌కాయిన్ ఇటిఎఫ్‌(Bitcoin ETF)ను ప్రారంభించేందుకు త్వరలో ప్రకటన వెలువడే అవకాశాలున్నాయి. దీంతో ఆసియాలోనే తొలిసారిగా స్పాట్ బిట్‌కాయిన్ ఎక్స్ఛేంజ్ ట్రేడెడ్ ఫండ్ (Bitcoin ETF)ను ఆమోదించిన దేశంగా హాంకాంగ్ అవతరించింది. 2022 సంవత్సరం ప్రారంభంలో, హాంకాంగ్ తన మొదటి క్రిప్టోకరెన్సీ 'ఫ్యూచర్స్ ఇటిఎఫ్'ని ఆమోదించింది.

వాస్తవానికి, హాంకాంగ్ ప్రపంచ ఆర్థిక కేంద్రం హోదాను కొనసాగించాలని కోరుకుంటోంది. అందువల్ల ఆ దేశం  వీలైనంత త్వరగా బిట్‌కాయిన్ ఇటిఎఫ్‌(Bitcoin ETF)ని ఆమోదించాలనుకుంటోంది. రాయిటర్స్ నివేదిక ప్రకారం, హాంకాంగ్‌లో మార్కెట్ నియంత్రణ ఫార్మాలిటీలు వేగంగా పూర్తవుతున్నాయి.  తద్వారా బిట్‌కాయిన్ ఇటిఎఫ్ త్వరలో ప్రవేశ పెట్టే  ఛాన్స్ ఉంది. బిట్‌కాయిన్ ఇటిఎఫ్ ఆమోదంతో హాంకాంగ్‌లో విదేశీ పెట్టుబడుల వేగం పెరుగుతుందని, క్రిప్టోకు డిమాండ్ కూడా పెరుగుతుందని హాంకాంగ్ క్రిప్టో వెల్త్ మేనేజర్ కంపెనీ మెటాల్ఫా చెబుతోంది.

Also Read: ఈ 555 రూల్ పాటిస్తే.. రిటైర్మెంట్ లైఫ్ కోట్లతో ఎంజాయ్ చేయొచ్చు!

మొదట అమెరికా..
గత కొంత కాలంగా ప్రపంచవ్యాప్తంగా బిట్‌కాయిన్‌లో పెట్టుబడులకు క్రేజ్ పెరుగుతోంది. జనవరి 2024 లో, అమెరికా మొదటిసారి స్పాట్ బిట్‌కాయిన్ ఇటిఎఫ్‌(Bitcoin ETF)ను ప్రారంభించింది. దీనిలో ఇప్పటివరకు $ 12 బిలియన్ల పెట్టుబడి వచ్చింది. దీని ధర 60 శాతం పెరిగి దాని ఆల్-టైమ్ గరిష్ట స్థాయి $73803కి చేరుకుంది. అంటే దాని పెట్టుబడిదారులకు అద్భుతమైన లాభాలను ఇస్తోంది. ఏప్రిల్ 10 బుధవారం కూడా దాదాపు $69,000 వద్ద ట్రేడవుతోంది. చైనా అసెట్ మేనేజర్లు కూడా బిట్ కాయిన్ ఈటీఎఫ్(Bitcoin ETF) లపై ప్రతిపాదనలు చేస్తున్నారు

హాంకాంగ్‌లో బిట్‌కాయిన్ ఇటిఎఫ్‌ని ప్రారంభించేందుకు సన్నాహాలు ముమ్మరంగా సాగుతున్నాయి. చాలా మంది అసెట్ మేనేజర్లు దీని కోసం తమ ప్రతిపాదనలను కూడా సమర్పించారు. అయితే దీనిపై ఇప్పటి వరకు ఎలాంటి అధికారిక ప్రకటన వెలువడలేదు. చైనాలో క్రిప్టోకరెన్సీని నిషేధించడం గమనార్హం.  అయితే, ఇప్పటికీ చైనాకు చెందిన నలుగురు అసెట్ మేనేజర్లు దాని కోసం ప్రతిపాదనలు సమర్పించారు. వీటిలో చైనా అసెట్ మేనేజ్‌మెంట్, హార్వెస్ట్ ఫండ్ మేనేజ్‌మెంట్ అలాగే బోసెరా అసెట్ మేనేజ్‌మెంట్ - హాంకాంగ్ యూనిట్లు కూడా ఉన్నాయి.