Bathukamma: ఈ సారి బతుకమ్మ మరింత స్పెషల్.. హైడ్రా ఆధ్వర్యంలో.. రేవంత్ సమక్షంలో ఎక్కడో తెలుసా?

చెరువుల పునరుద్ధరణ నిర్మాణంలో భాగంగా రూ. 7. 40 కోట్లతో బతుకమ్మ కుంటను పునరుద్ధరణ చేసింది. బతుకమ్మ కుంటకు మళ్ళీ పూర్వ వైభవం తీసుకొచ్చింది హైడ్రా.

ఈ సందర్భంగా ఈనెల 25న జరగబోయే బ‌తుక‌మ్మ ఉత్స‌వాల‌కు బ‌తుక‌మ్మ కుంట వేదికవుతోంది. ఈ ఉత్స‌వాల్లో ముఖ్య‌మంత్రి రేవంత్ రెడ్డి కూడా సందడి చేయనున్నారు. అలాగే పండగ వేళ బ‌తుక‌మ్మకుంట‌ను న‌గ‌ర ప్ర‌జ‌ల‌కు అంకితం చేయనున్నారు .

ఈ మేరకు బ‌తుక‌మ్మ కుంట వ‌ద్ద ఉత్స‌వ ఏర్పాట్లు చేస్తున్నారు అధికారులు. ముఖ్య‌మంత్రి స‌ల‌హాదారుడు శ్రీ వేంన‌రేంద‌ర్ రెడ్డి , న‌గ‌ర మేయ‌ర్ గ‌ద్వాల్ విజ‌య‌ల‌క్ష్మి ఏర్పాట్లను పర్యవేక్షిస్తున్నారు.

హైడ్రా క‌మిష‌న‌ర్ ఏవీ రంగ‌నాథ్‌గారు, జీహెచ్ ఎంసీ క‌మిష‌న‌ర్ ఆర్‌వీ క‌ర్ణ‌న్‌గారు, జ‌ల‌మండ‌లి ఎండీ కె. అశోక్‌రెడ్డి ఇత‌ర అధికారులు అక్క‌డి ఏర్పాట్ల‌ను వివ‌రించారు.

జాతీయ స్థాయిలో బ‌తుక‌మ్మ‌ కుంట‌కు గుర్తింపు వ‌చ్చేలా ఉత్స‌వాలు జ‌ర‌గాల‌ని ముఖ్య‌మంత్రి స‌ల‌హాదారుడు శ్రీ వేంన‌రేంద‌ర్ రెడ్డి అధికారుల‌కు సూచించారు.