Snapchat Quick Cut: స్నాప్‌చాట్‌ లవర్స్ కు క్రేజీ అప్‌డేట్‌.. ‘క్విక్ కట్’ ఫీచర్‌.. క్షణాల్లో వీడియో రెడీ

Snapchat Quick Cut: స్నాప్‌చాట్ యూజర్ల కోసం వీడియో ఎడిటింగ్ ను ఇంకా ఈజీగా చేయడానికి ‘క్విక్ కట్’ అనే కొత్త ఫీచర్‌ను తీసుకొచ్చింది. ఈ ఫీచర్‌తో మీకు నచ్చిన ఫోటోలు, వీడియో క్లిప్‌లను కేవలం కొన్ని సెకన్లలోనే అందంగా మ్యూజిక్‌తో వీడియోగా మార్చుకోవచ్చు.

క్విక్ కట్ ఫీచర్‌ను మెమరీస్ సెక్షన్ నుంచే కాదు, మీ ఫోన్‌లో ఉన్న కెమెరా రోల్ నుంచీ కూడా ఉపయోగించవచ్చు. ఒకేసారి మీరు ఎన్నుకున్న ఫోటోలు లేదా వీడియో క్లిప్‌లన్నీ ఆటోమేటిక్‌గా కలిపి ఒక వీడియోగా తయారవుతుంది. వీడియో రెడీ అవ్వగానే ప్రీవ్యూ కూడా చూపిస్తుంది.

Meet Quick Cut, a new way to turn your Memories into beat-synced videos in seconds, all within @Snapchat.

Faster creation, fewer steps, and more creative possibilities with Lenses and Sounds. Now on iOS, coming to more soon. Learn more: https://t.co/KQzjUMNgoUpic.twitter.com/mJN2xvglwo

— Snap Inc. (@Snap) December 17, 2025

ఈ ఫీచర్‌లో మ్యూజిక్ ఆటోమేటిక్‌గా జతకావడం ప్రత్యేక ఆకర్షణ. వీడియో క్లిప్‌లు మ్యూజిక్ బీట్‌కు సరిపోయేలా సింక్ అవుతాయి. దీంతో ఎడిటింగ్ అనుభవం లేకపోయినా, ఎవరికైనా సులభంగా మంచి వీడియో తయారు చేయవచ్చు.

యూజర్లు కావాలంటే డిఫాల్ట్‌గా వచ్చే మ్యూజిక్‌ను మార్చుకునే అవకాశం కూడా ఉంది. అదనంగా వీడియోకు మరింత స్టైల్ ఇవ్వాలంటే లెన్స్‌లు కూడా జోడించవచ్చు. దీంతో వీడియోలు ఇంకా ఆకర్షణీయంగా కనిపిస్తాయి.

ఇంకా వివరంగా ఎడిట్ చేయాలనుకునే వారికోసం టైమ్‌లైన్ ఎడిటర్ వంటి అడ్వాన్స్‌డ్ ఆప్షన్‌లను కూడా స్నాప్‌చాట్ అందిస్తోంది. దీని ద్వారా వీడియోలో కావాల్సిన చోట కట్ చేయడం, క్లిప్‌లను మార్చడం వంటి పనులు చేయవచ్చు. పోస్ట్ చేసే ముందు చివరి మార్పులు చేసుకునే అవకాశం ఉంటుంది.

ఈ క్విక్ కట్ ఫీచర్ వాడటం చాలా సులభంగా ఉండటంతో పాటు సరదాగా కూడా ఉందని, ఇప్పటికే పరీక్షించిన యూజర్లు చెబుతున్నారు. ముఖ్యంగా సోషల్ మీడియాలో త్వరగా వీడియోలు షేర్ చేయాలనుకునే వారికి ఇది బాగా ఉపయోగపడుతుంది.

ప్రస్తుతం ఈ కొత్త క్విక్ కట్ ఫీచర్ ఐఓఎస్ డివైస్‌లలో మాత్రమే అందుబాటులో ఉంది. అయితే త్వరలోనే దీనిని ఆండ్రాయిడ్ సహా ఇతర ప్లాట్‌ఫారమ్‌లకు కూడా తీసుకురావాలని స్నాప్‌చాట్ ప్లాన్ చేస్తోందని సమాచారం.

మొత్తానికి, వీడియో ఎడిటింగ్‌ను సులభం చేయడమే లక్ష్యంగా తీసుకొచ్చిన ఈ క్విక్ కట్ ఫీచర్, స్నాప్‌చాట్ యూజర్లకు మంచి అనుభవాన్ని ఇవ్వనుంది.