Pattabhi: ఎస్పీని సత్కారం చేసేందుకు వెళ్లిన పట్టాభి.. కానీ.. ఏం జరిగిందంటే?

TDP Leader Pattabhi: 20 ఫిబ్రవరి 2023న కృష్ణా జిల్లా తోట్లవల్లూరు పోలీస్ స్టేషన్ లో తనను నిర్బంధించి రాచ మర్యాదలు చేసిన అప్పటి కృష్ణ జిల్లా ఎస్పీ జాషువాని మర్యాదపూర్వకంగా కలిసేందుకు వెళ్లారు తెలుగుదేశం పార్టీ జాతీయ అధికార ప్రతినిధి కొమ్మారెడ్డి పట్టాభి రామ్. ఆయన తోపాటు రాష్ట్ర అధికార ప్రతినిధి సయ్యద్ రఫీ, తెలుగు యువత అధికార ప్రతినిధి బండారు వంశీకృష్ణ, సీనియర్ బీసీ నాయకులు కాపు మల్లిఖార్జున యాదవ్ , తెలుగుయువత నాయకుడు బుడిపిటి సురేష్ వెళ్లారు.

Also Read: జగన్ కి ప్రత్యేక ధన్యవాదాలు.. విజయసాయి ట్వీట్ వైరల్..!

విజయవాడ సమీపం లోని తన అతిథి గృహంలో ఎస్పీ జాషువా ఉన్నారని తెలుసుకుని వారికి సత్కారం చేయాలని వారు వెళ్ళగా.. నిన్న ఫలితాలు వెలువడిన దగ్గర నుండి ఆయన సెల్ ఫోన్ స్విచ్ ఆఫ్ చేసి అదృశ్యమయ్యారని తెలిసింది. దీంతో వారి అతిథి గృహంలోనే ఒక కుర్చీలో పుష్ప గుచ్చాం, షాలువా ను ఉంచి వీడియో ద్వారా తన సందేశాన్ని ఎస్పీ సెల్ ఫోన్ కు పంపించారు పట్టాభి.