China - America: అమెరికాలో చైనా అధ్యక్షుడు జిన్‌పింగ్.. ఎందుకంటే.. 

China - America: చైనా అధ్యక్షుడు జీ జిన్‌పింగ్ అమెరికా చేరుకున్నారు. శాన్ ఫ్రాన్సిస్కోలో జరిగే APEC అంటే ఆసియా-పసిఫిక్ ఎకనామిక్ కోఆపరేషన్ సమ్మిట్‌లో ఆయన  పాల్గొంటారు. అలాగే  అమెరికా అధ్యక్షుడు జో బిడెన్‌తోనూ జిన్‌పింగ్‌ భేటీ కానున్నారు. అమెరికా, చైనాల మధ్య ఉద్రిక్తతలను తగ్గించడంపైనే ఇరువురు నేతల దృష్టి ఉంటుంది.

బిడెన్ - జిన్‌పింగ్ మధ్య చర్చల్లో ఇజ్రాయెల్-హమాస్, రష్యా-ఉక్రెయిన్ యుద్ధం గురించి ప్రస్తావన ఉండవచ్చు. న్యూయార్క్ టైమ్స్- వాయిస్ ఆఫ్ అమెరికా రిపోర్ట్స్ ప్రకారం, ఈ సమావేశం ద్వారా  ఏదైనా పెద్ద విజయం సాధించగలదని చాలా తక్కువ ఆశలు ఉన్నాయి.  అయితే ప్రపంచంలోని రెండు ఆర్థిక అగ్రరాజ్యాల మధ్య ఉద్రిక్తతను తగ్గించడానికి చర్చలు అవసరం. ఈ దృక్కోణం నుంచి ఈ సమావేశాన్ని విశ్లేషకులు చూస్తున్నారు.

Also Read: గాజా సిటీసెంటర్..పార్లమెంట్ స్వాధీనం చేసుకున్న ఇజ్రాయెల్ 

ఒత్తిడిని తగ్గించడానికి పునాది.. 

'న్యూయార్క్ టైమ్స్' కథనం ప్రకారం - ఈ సమావేశాన్ని ఏదైనా ప్రధాన పరిణామాల కోణం నుంచి చూడటం మంచిది కాదు . ప్రస్తుత పరిస్థితుల్లో తమ సంబంధాలు మరింత దిగజారకుండా నిరోధించేందుకు ఇరు దేశాలకూ ఈ అవకాశం ఉంది. ఫిబ్రవరిలో చైనా గూఢచారి బెలూన్‌ను అమెరికా కూల్చివేసింది. దీని తరువాత, వాషింగ్టన్ - బీజింగ్ (China - America)మధ్య సంబంధాలు అధ్వాన్నమైన దశకు చేరుకున్నాయి. వాణిజ్య సంబంధాలపై ఇప్పటికే టెన్షన్ చాలా ఎక్కువగా ఉంది. తైవాన్‌ విషయంలో అమెరికా కఠిన వైఖరిని అవలంబించింది.  చైనా సైన్యంతో తమకు ప్రత్యక్ష సంబంధాలు ఉన్నాయన్న అభ్యర్థనపై అనేక చైనా కంపెనీలను నిషేధించింది. బిడెన్ - జిన్‌పింగ్‌ల మొదటి ప్రయత్నం ఏదైనా ప్రమాదాన్ని తగ్గించడం అని నమ్ముతున్నారు. దీనివలన రెండు దేశాల మధ్య  సంబంధాన్ని విచ్ఛిన్నం చేసే ప్రమాదం ఉండదని భావిస్తున్నారు.  రెండు దేశాలు ఒకరినొకరు సవాల్‌గా భావించకూడదని అమెరికా అధికారులు అనుకుంటున్నారు. 

వ్యాపారమే ముఖ్యం.. 

అమెరికా వాణిజ్య కార్యదర్శి గినా రైమోండో మేము చైనాతో సుమారు 700 బిలియన్ డాలర్ల విలువైన వ్యాపారం చేస్తున్నాము. ఈ వాణిజ్యంలో 99% ఎగుమతి నియంత్రణతో సంబంధం లేదు అని చెప్పారు. అమెరికా జాతీయ భద్రతా సలహాదారు జాక్ సుల్లివన్ మాట్లాడుతూ- చైనా - అమెరికా ఆర్థికంగా ఒకదానిపై ఒకటి ఆధారపడి ఉన్నాయన్నారు. గత నెలలో అమెరికా చట్టసభ సభ్యుల బృందం బీజింగ్‌కు వెళ్లింది. తన సమావేశంలో, జిన్‌పింగ్ మాట్లాడుతూ - అమెరికా - చైనా మధ్య సంబంధాలను మెరుగుపరచడానికి వెయ్యి కారణాలు ఉన్నాయని, వాటిని చెడగొట్టడానికి ఒక్క కారణం కూడా చెప్పలేమని అన్నారు.

Watch this interesting Video: