Sattu: సత్తులో ఉండే అనేక పోషకాలు దానిని సూపర్ ఫుడ్గా చేస్తాయి. అలాగే, సత్తులో కూలింగ్ ఏజెంట్ ఉంటుంది. ఇది సహజంగా శరీర ఉష్ణోగ్రతను తగ్గిస్తుంది. బీహార్, జార్ఖండ్, పశ్చిమ బెంగాల్, ఉత్తరప్రదేశ్, రాజస్థాన్, మధ్యప్రదేశ్లలో ఇది ప్రధాన వంటకం. వేసవిలో దీని డిమాండ్ బాగా పెరుగుతుంది. సత్తు పొడిని వేయించిన బార్లీ, శనగలు వంటి ధాన్యాలతో తాయారు చేస్తారు. సత్తును వేసవిలో ఎక్కువగా ఉపయోగిస్తారు. దీనితో ఉప్పు లేదా తీపి షర్బత్, చీలా, లడ్డూ, పరాటాలు మొదలైన వాటిని తయారు చేయడం సులభం. ఆయుర్వేదంలో కూడా సత్తు ప్రస్తావన ఉంది. దీనిని వేసవి టానిక్ అని పిలుస్తారు.
సత్తు ఎలా తయారవుతుంది?
మార్కెట్లో చాలా కంపెనీల సత్తు అందుబాటులో ఉంది. సత్తు పొడిని ప్యాక్ చేసి అమ్ముతారు. అయితే వాస్తవానికి సత్తును తయారుచేసే ప్రక్రియ కొద్దిగా భిన్నంగా ఉంటుంది. సత్తు తయారు చేయడానికి, శనగను మొదట నీటిలో నానబెట్టి, ఆపై ఎండబెట్టి కాల్చాలి. ఆ తర్వాత వాటిని వేయించి.. దాంట్లో డ్రై ఫ్రూట్స్ వేసుకొని మెత్తగా గ్రైండ్ చేసుకోవాలి.
ఆరోగ్య సంరక్షణ
సత్తులో ప్రోటీన్, ఫైబర్, కాల్షియం, ఐరన్, మెగ్నీషియం, పొటాషియం వంటి అవసరమైన పోషకాలు పుష్కలంగా ఉన్నాయి. ఇది శరీర శక్తికి అద్భుతమైన మూలం. ఇందులో ఉండే కార్బోహైడ్రేట్లు వెంటనే శక్తిని విడుదల చేస్తాయి. వేసవిలో కష్టపడి పనిచేసే వారికి ఇది పవర్ హౌస్ లా పనిచేస్తుంది. దీని వినియోగం చక్కెరను నియంత్రించడంలో కూడా సహాయపడుతుంది. సత్తు వేసవిలో శరీరానికి చల్లదనాన్ని అందిస్తుంది. కానీ, ఆహారం తిన్న తర్వాత ఎప్పుడూ సత్తును తినకూడదని గుర్తుంచుకోండి. రెండవది, అధిక పరిమాణంలో తినవద్దు.
ఇలా భద్రపరుచుకోండి
- మీరు సత్తును నిల్వ చేసినప్పుడల్లా లవంగాలను ఆ పెట్టెలో వేయండి. ఇది పిండిలో కీటకాలు రాకుండా సత్తు ఎల్లప్పుడూ తాజాగా ఉండడానికి సహాయపడుతుంది. లేదా వేప ఆకులను ఒక గుడ్డలో కట్టి ఉంచవచ్చు.
- సత్తును ఎల్లప్పుడూ గాలి చొరబడని కంటైనర్లో నిల్వ చేయండి. ఎల్లప్పుడూ సత్తును తక్కువ పరిమాణంలో మాత్రమే కొనండి.
- సత్తును తీయడానికి ఎప్పుడూ తడి చేతులు లేదా తడి చెంచా ఉపయోగించవద్దు. మీ ఫ్రిజ్లో మీకు స్థలం ఉంటే, మీరు సత్తును జిప్ పౌచ్లో ఉంచి ఫ్రిడ్జ్ లో పెట్టవచ్చు.
