వరల్డ్‌కప్‌లో మరో రికార్డు నమోదైంది. ప్రపంచకప్‌ చరిత్రలో వేగవంతమైన సెంచరీని రికార్డు చేశాడు ఆసీస్ స్టార్ హిట్టర్‌ గ్లెన్‌ మాక్స్‌వెల్‌. ఢిల్లీ వేదికగా నెదర్లాండ్స్‌పై జరిగిన మ్యాచ్‌లో కేవలం 40 బంతుల్లోనే సెంచరీ చేశాడు. ఈ ప్రపంచకప్‌లో దక్షిణాఫ్రికా స్టార్ బ్యాటర్‌ ఐడెన్‌ మార్క్రామ్‌ 49 బంతుల్లో సెంచరీ చేయగా.. ఇప్పుడా రికార్డును మాక్సీ లేపేశాడు.
జాతీయ జట్టుకు కెప్టెన్‌గా వ్యవహరించడం అంటే పూల పానుపు కాదని.. ఒత్తిడిని తట్టుకుంటూ జట్టును మందుండి నడిపించాలంటున్నాడు పాక్‌ లెజెండరీ ప్లేయర్ షాహీద్‌ అఫ్రిది. అఫ్ఘాన్ చేతిలో పాక్‌ ఓటమికి కెప్టెన్ బాబర్‌ అజామ్‌ని బాధ్యుడిని చేస్తూ ఆ జట్టు మాజీ ప్లేయర్లు మండిపడుతున్నారు. బాబర్‌ అజామ్‌ని కెప్టెన్సీ నుంచి తప్పించాలన్న డిమాండ్‌ కూడా మరోవైపు నుంచి గట్టిగా వినిపిస్తోంది.
వరల్డ్‌కప్‌లో వరుస విజయాలతో ఇరగదీస్తున్న టీమిండియాకు బ్యాడ్‌ న్యూస్‌ ఇది. అక్టోబర్‌ 29న ఇంగ్లండ్‌తో జరిగే మ్యాచ్‌కు స్టార్ ఆల్‌రౌండర్‌ పాండ్యా అందుబాటులో ఉండడంలేదు. బంగ్లాదేశ్‌పై మ్యాచ్‌లో పాండ్యా గాయపడ్డ సంగతి తెలిసిందే. అతను గ్రౌండ్‌లో దిగడానికి మరింత సమయం పడుతుందని సమాచారం.
క్రికెట్‌ను ప్రాణంగా భావించే సచిన్.. ఆట పట్ల తనకున్న ప్రేమను మరోసారి చూపించాడు. దసర సందర్భంగా ఆయుధ పూజ వేళ.. 'బ్యాట్‌-బాల్‌' ని దేవత ముందు పెట్టి పూజ చేశాడు సచిన్. ప్రస్తుతం దీనికి సంబంధించిన ఫొటోలు సోషల్‌మీడియాలో వైరల్‌గా మారాయి. 'బంతి బౌండరీ దాటినట్లే, చెడుపై మంచి సాధించిన విజయం మీ జీవితంలోని అన్ని అడ్డంకులను తొలగిస్తుంది.. సరైన మార్గం కోసం బ్యాటింగ్ చేస్తూ ఉండండి' అని అభిమానులకు మెసేజ్ ఇచ్చాడు క్రికెట్ గాడ్.
ఈ వరల్డ్‌కప్‌లో పాక్‌ జట్టు ఆట మ్యాచ్‌ మ్యాచ్‌కు మరింత తీసికట్టుగా మారుతోంది. పసికూన అఫ్ఘాన్‌పై మ్యాచ్‌లోనూ పాక్‌ ఓడిపోయింది. ఇదే సమయంలో పాక్‌ ఓపెనర్ ఇమామ్ ఇచ్చిన స్టేట్‌మెంట్‌పై నెట్టింట్లో సెటైర్లు పేలుతున్నాయి. సిక్సులు కొట్టడానికి మరింత ప్రొటీన్‌ అవసరం అని.. పిండిపదార్థాలు కాదంటూ వ్యాఖ్యలు చేశాడు ఇమామ్. అయితే అతనికి క్రికెట్ ఫ్యాన్స్ ఎలా కౌంటర్లు వేశారో ఈ ఆర్టికల్ చదివి తెలుసుకోండి.
అఫ్ఘాన్‌పై ఓటమిని తట్టుకోలేకపోతున్నారు పాక్‌ మాజీ ఆటగాళ్లు. తమ జట్టు ప్లేయర్ల ఫిట్నెస్ ఏ మాత్రం బాలేదని పాకిస్థాన్‌ లెజెండరీ ప్లేయర్ వసీం అక్రమ్‌ విమర్శించాడు. పాక్‌ ఆటగాళ్ల ఫీల్డింగ్‌ స్కిల్స్‌ చూస్తుంటే రోజుకు 8 కేజీల మటన్‌ తింటున్నట్టు ఉందంటూ కామెంట్స్ చేశారు. వారి ఫిట్నెస్ లెవల్స్ చాలా దారుణంగా ఉన్నాయంటూ కామెంట్స్ చేశారు. అసలు ఫిట్నెస్ టెస్ట్ ఎందుకు జరపడంలేదో తనకు అర్థంకావడం లేదన్నాడు వసీం.
ప్రపంచకప్‌లో పాకిస్థాన్‌ జట్టుకు ఘోర అవమానం ఇది. పసికూన అఫ్ఘాన్ చేతిలో పాకిస్థాన్‌ ఓడిపోయింది. ఈ ఏడాది ప్రపంచకప్‌ సంచలనాలకు అడ్డాగా మారింది. ఈ వరల్డ్‌కప్‌లో ఇది మూడో పెను సంచలనం. పాక్‌ సెట్ చేసిన 283 పరుగుల టార్గెట్‌ని అఫ్ఘాన్ ఈజీగా ఛేజ్ చేసింది. అఫ్ఘాన్ 49 ఓవర్లలో 8 వికెట్లు కోల్పోయి 286 రన్స్ చేసింది.
ఐసీసీ వన్డే ర్యాంకింగ్స్‌లో టీమిండియా యువ ఓపెనర్ గిల్ నంబర్‌-2 పొజిషన్‌లో ఉన్నాడు. నంబర్‌-1లో పాక్‌ కెప్టెన్ బాబర్‌ అజామ్‌ ఉన్నాడు. డెంగీ నుంచి కోలుకున్న తర్వాత గిల్ మూడు మ్యాచ్‌లు ఆడగా.. భారీ స్కోర్లు చేయడంలో విఫలమవుతున్నాడు. క్లాసిక్‌ షాట్లలో ఓవైపు అలరిస్తూనే మరోవైపు ఏదో ఒక బంతికి చెత్త షాట్‌ఆడి అవుట్ అవుతున్నాడంటూ ఫ్యాన్స్ మండిపడుతున్నారు. నంబర్‌-1 ర్యాంకును చేరుకునే అవకాశాన్ని చేజేతులా మిస్‌ చేసుకుంటున్నాడంటూ బాధ పడుతున్నారు.
'రోడ్లపై అతివేగం యమ డేంజర్! వెనుక ముందు చూసుకోకుండా ఇలా రయ్యిన దూసుకుపోతే తగిన మూల్యం చెల్లించుకోవాల్సి వస్తుంది. ట్రాఫిక్ రూల్స్ పాటించండి. క్షేమంగా గమ్యస్థానాలకు చేరుకోండి.' అంటూ ఆర్టీసీ ఎండి సజ్జనార్ చేసిన ట్వీట్ వైరల్‌గా మారింది. న్యూజిలాండ్‌పై మ్యాచ్‌లో సూర్యకుమార్‌ యాదవ్‌ రనౌట్‌ని అతివేగంతో పోల్చుతూ ఈ ట్వీట్ చేశారు సజ్జనార్.
/rtv/media/post_attachments/wp-content/uploads/2023/10/australian-team-jpg.webp)
/rtv/media/post_attachments/wp-content/uploads/2023/10/maxwell-jpg.webp)
/rtv/media/post_attachments/wp-content/uploads/2023/10/cricket-fans-1-jpg.webp)
/rtv/media/post_attachments/wp-content/uploads/2023/10/indian-team-1-1-jpg.webp)
/rtv/media/post_attachments/wp-content/uploads/2023/10/sachin-jpg.webp)
/rtv/media/post_attachments/wp-content/uploads/2023/10/pak-players-jpg.webp)
/rtv/media/post_attachments/wp-content/uploads/2023/10/pak-fieldunb-jpg.webp)
/rtv/media/post_attachments/wp-content/uploads/2023/10/pak-vs-afg-jpg.webp)
/rtv/media/post_attachments/wp-content/uploads/2023/10/gill-2-1-jpg.webp)
/rtv/media/post_attachments/wp-content/uploads/2023/10/sajjanar-jpg.webp)
