Chiranjeevi: మెగాస్టార్ బ్లాక్ బస్టర్ మూవీ రీ రిలీజ్..!!

Shankar Dada M.B.B.S :  తెలుగులో పాత సినిమాల రీ రిలీజ్ ట్రెండ్ నడుస్తోంది. ఈ మధ్య పాత సినిమాలను రీ మాస్టర్ చేసి 4Kలో మరోసారి విడుదల చేస్తు ఫ్యాన్స్‌ ను ఖుషి చేస్తున్నారు. ఇప్పటికే పోకిరి, జల్సా, ఘరానా మొగుడు, బిల్లా, చెన్నకేశవ రెడ్డి, ఖుషీ, సింహాద్రి, తొలిప్రేమ, బిజినెస్ మేన్ వంటి చిత్రాలు రీ రిలీజ్‌లోనూ మంచి వసూళ్లనే రాబట్టాయి. ఈ కోవలోనే, మెగాస్టార్ చిరంజీవి నటించిన బ్లాక్ బస్టర్ హిట్ చిత్రం 'శంకర్ దాదా ఎంబీబీఎస్' కూడా రీ రిలీజ్ కు సిద్ధమవుతోంది. ఈ చిత్రం నవంబరు 4న ప్రేక్షకుల ముందుకు వస్తోంది. శంకర్ దాదా.. చిత్రాన్ని 4కే అల్ట్రా హెచ్ డీ, డాల్బీ సరౌండ్ 7.1 ఫీచర్లతో సరికొత్తగా తీర్చిదిద్దారు.

Also Read: ‘ఆర్ఎక్స్ 100’ ఫేమ్ హీరోయిన్ కు కిడ్నీ ఇన్ఫెక్షన్‌..!!

2004లో వచ్చిన 'శంకర్ దాదా ఎంబీబీఎస్' చిత్రం మెగాస్టార్ చిరంజీవి కెరీర్ లో అత్యధిక వసూళ్లు రాబట్టిన చిత్రాల్లో ఒకటిగా నిలిచింది. ఓ దశలో హిట్లు కరవైన స్థితిలో ఈ సినిమాతో చిరంజీవి తన స్టామినా ఎంటో చూపించుకున్నారు. హిందీలో హిట్టయిన 'మున్నాభాయ్ ఎంబీబీఎస్' కు రీమేక్ అయినప్పటికీ, చిరంజీవి ట్రేడ్ మార్కు నటనతో ఈ సినిమా బాక్సాఫీసు వద్ద వసూళ్ల వర్షం కురిపించింది.

అక్కినేని రవిశంకర్ ప్రసాద్ నిర్మాతగా వ్యవహరించిన 'శంకర్ దాదా ఎంబీబీఎస్' చిత్రానికి జయంత్ సి పరాన్జీ దర్శకుడు. బాలీవుడ్ భామ సోనాలీ బెంద్రే ఇందులో చిరు సరసన కథానాయికగా నటించింది. పరేశ్ రావల్, శ్రీకాంత్, శర్వానంద్, పంజా వైష్ణవ్ తేజ్ (బాలనటుడిగా) కీలక పాత్రలు పోషించారు. ఈ సినిమాకు దేవి శ్రీ ప్రసాద్ అందించిన పాటలు ఉర్రూతలూగించాయి.