Crime News: స్కూటీ అంటే పాప.. బైక్‌ అంటే బాబు..మేడిపల్లి శిశువుల అమ్మకం కేసులో సంచలన విషయాలు..!

Hyderabad Medipalli: హైదరాబాద్‌ మేడిపల్లి శిశువుల అమ్మకం కేసులో సంచలన విషయాలు వెలుగులోకి వస్తున్నాయి. పసికందుల విక్రయానికి అంతరాష్ట్రముఠా కోడ్ భాష వినియోగించినట్లు అధికారులు గుర్తించారు. పాపను స్కూటీగా, బాబును బైక్‌గా పిలుస్తూ కోడ్‌ భాషలో సంభాషించేవారు.

Also Read: ప్రియుడి టార్చర్‌.. రోడ్డుపైనే పలుసార్లు ఇలా వేధించేవాడు..!

వాట్సాప్‌, టెలిగ్రామ్‌ వేదికగా కోడ్ భాషలో చాటింగ్‌ చేసేవారు. అందుకు సంబంధించిన చాటింగ్ వివరాలను పోలీసులు సేకరిస్తున్నారు. ఈ కేసు విచారణను వేగవంతం చేసిన హైదరాబాద్ పోలీసులు.. ఢిల్లీ, యూపీ, పుణే నగరాల్లోని ముఠాలపై ఆరా చేస్తున్నారు. ఈ కేసులో ఇప్పటివరకూ 11 మంది అరెస్టు చేశారు. ఢిల్లీ,పుణేల నుంచి శిశువులను ఎత్తుకొచ్చి తెలుగు రాష్ట్రాల్లో పిల్లలు లేని వారికి అమ్మేసేవారు. ఒక్కో శిశువును రూ. 5 లక్షలకు అమ్మినట్లు అధికారులు గుర్తించారు.