ఈ కారు ధరతో ఓ బడ్జెట్ ఫిల్మ్ తియ్యోచ్చు.. లాంచ్ ఎప్పుడంటే..!!

భారత్ లో SUVకార్ల కేటగిరీలో మహీంద్రా థార్ ఆధిపత్యం చెలాయిస్తోంది. ఇప్పటికే భారత్ మార్కెట్లో పలు మోడళ్ల విక్రయాలతో టాప్ లో కొనసాగుతోంది. ఫ్యామిలీ అవసరాలకే కాదు..వాణిజ్య పరంగానూ మహీంద్ర వినియోగాదారులకు సేవలందిస్తోంది. ఈ టాప్ కంపెనీ నుంచి కొత్త మోడల్ లాంచ్ అవుతుందంటే..ఔత్సాహికుల్లో ఇంట్రెస్ట్ పెరుగుతుంది. మహీంద్ర వరుసగా నాలుగోసారి స్వాతంత్ర్య దినోత్సవం సందర్భంగా ఆగస్టు 15న కొత్త కారును విడుదల చేస్తోంది. ఈసారి వారు థార్ 5-డోర్‌ను విడుదల చేయనున్నట్లు కంపెనీ ప్రకటించింది.

ఈ సంవత్సరం ఈవెంట్ దక్షిణాఫ్రికాలో జరగబోతోంది. ఎందుకంటే మహీంద్రా కంపెనీ 1996 నుండి అక్కడ వ్యాపారం నిర్వహిస్తోంది. మహీంద్ర కంపెనీకి దక్షిణాఫ్రికా ముఖ్యమైన మార్కెట్. ప్రస్తుతం అక్కడ XUV300, XUV700, స్కార్పియో ఎన్ తోపాటు.. ఇప్పుడు వంటి కొన్ని SUVలను విక్రయిస్తున్నారు. దక్షిణాఫ్రికాలో తమ లైనప్‌లో థార్‌ను చేర్చుకోవాలని చూస్తోంది కంపెనీ. థార్ 5-డోర్ కారు భారతదేశంలో కూడా ప్రారంభమవుతుందని వెల్లడించింది.

థార్ 5-డోర్ అనేది థార్ కారు పొడిగించిన వెర్షన్. ఇది మారుతి సుజుకి జిమ్నీ 5-డోర్ వెర్షన్ కంటే పెద్దదిగా ఉంటుంది. థార్ 5-డోర్ అమ్మకాలు వచ్చే ఏడాది భారతదేశంలో ప్రారంభమవుతాయని భావిస్తున్నారు. కొత్త థార్ మరింత సౌకర్యవంతమైన ప్రయాణాన్ని అందించడానికి పెద్ద కుటుంబాలను దృష్టిలో ఉంచుకుని రూపొందించారు. ఇతర వాహనాలతో పోల్చి చూస్తే, 3-డోర్ల మహీంద్రా థార్ చాలా చిన్నది. అయితే, 5-డోర్ వేరియంట్ ప్రస్తుతం ఉన్న 3-డోర్ వేరియంట్ కంటే చాలా ఖరీదైనది.

మహీంద్రా థార్‌లో 1.5-లీటర్ D117 CRDe డీజిల్ ఇంజన్, 2.2-లీటర్ mHawk 130 CRDe డీజిల్ ఇంజన్, 2.0-లీటర్ mStallion 150 TGDi పెట్రోల్ ఇంజన్..మొత్తం మూడు ఇంజన్ లతో వస్తుంది. కారు పొడవు 3,985mm, వెడల్పు 1,820mm, ఎత్తు 1,855mm. ఇది 2,450 mm పొడవైన వీల్‌బేస్ 226 mm గ్రౌండ్ క్లియరెన్స్ కలిగి ఉంది. థార్ 16-, 18-అంగుళాల అల్లాయ్ వీల్స్ ఎంపికను పొందుతుంది. దీని ప్రారంభ ధర రూ.10.54 లక్షల నుంచి రూ.16.77 లక్షలు ఎక్స్-షోరూమ్‌గా ఉండనుంది.

టీజర్ వీడియోలో మిస్టీరియస్ పికప్ వాహనం వెనుక భాగం, కొత్త స్కార్పియో-ఎన్‌లో డిజైన్ సూచనలు ఉన్నాయి. టీజర్ వీడియో మహీంద్రా ట్విన్-పీక్స్ లోగో, అల్లాయ్ వీల్ డిజైన్, ఆల్-టెర్రైన్ చంకీ టైర్‌లతో కూడిన గ్రిల్ డిజైన్‌ను కూడా ప్రదర్శిస్తుంది. పాత స్కార్పియోలో మహీంద్రా స్కార్పియో గెట్‌వే అనే పికప్ తోబుట్టువు కూడా ఉంది. దీనిని ప్రస్తుతం ఆస్ట్రేలియాలో మహీంద్రా పిక్ అప్‌గా విక్రయిస్తున్నారు.