Also Read: తెలుగు రాష్ట్రాల వరద బాధితులకు నారా భువనేశ్వరి భారీ విరాళం

వయసు పెరుగుతున్న కొద్దీ కంటిచూపు సమస్యతో చాలా మంది ఇబ్బందులు ఎదుర్కొంటున్నారు. దీనినే ప్రెస్బియోపియా అని అంటారు. ప్రపంచవ్యాప్తంగా దాదాపు 109 నుంచి 180 కోట్ల మంది ఐసైట్ సమస్యతో బాధపడుతున్నారు. సాధారణంగా 40 – 45 వయసులో ఉన్నవారికి ఈ సమస్య మొదలవుతుంది. 60 ఏండ్ల వయసు వచ్చే నాటికి ఇంకా తీవ్రమవుతుంది. ప్రెస్బియోపియా ఉన్న వారికి దగ్గరిగా ఉన్న వస్తువులు సరిగ్గా కనిపించవు. ఏదైనా చదవాలంటే కళ్లద్దాలు తప్పనిసరి పెట్టుకోవాల్సి వస్తుంది.

Also Read: అందుకే బుడమేరు గండ్లు పూడ్చలేకపోయాం.. వారికి ప్రభుత్వం తరపున అంత్యక్రియలు: చంద్రబాబు

ఈ సమస్యకు చికిత్స చేసేందుకు ‘ప్రెస్‌వు ఐ డ్రాప్స్‌’ను ఎన్టాడ్‌ ఫార్మాస్యూటికల్స్‌ డెవలప్ చేసింది. దీనిని సెంట్రల్‌ డ్రగ్స్‌ స్టాండర్డ్‌ కంట్రోల్‌ ఆర్గనైజేషన్‌ (CDSCO)కు చెందిన నిపుణుల బృందం సిఫార్సు చేయడంతో DCGI తుది అనుమతి ఇచ్చింది. ఈ ఐ డ్రాప్స్‌ వేసుకోవడం వల్ల ప్రెస్బియోపియా బాధితులకు కళ్లద్దాల అవసరం తగ్గుతుందని ఎన్టాడ్‌ ఫార్మాస్యూటికల్స్‌ వివరించింది. దీని ధర రూ. 350 వరకు ఉంటుందని, వచ్చే నెల అక్టోబరు మొదటి వారం నుంచి మార్కెట్‌లోకి అందుబాటులోకి తెస్తామని ప్రకటించింది.