Droupadi Murmu: ఇరుముడితో శబరిమల మెట్లెక్కిన రాష్ట్రపతి ద్రౌప‌ది ముర్ము.. ఫొటోలు చూశారా?

ఈరోజు ఉదయం ఇరుముడితో ఆలయానికి చేరుకున్న రాష్ట్రపతికి.. అక్కడి అధికారులు, అర్చకులు పూర్ణకుంభంతో స్వాగతం పలికారు.

ఈ సందర్భంగా ద్రౌపది ముర్ము మాల ధరించి ఇరుముడితో శబరిమల 18 మెట్లు ఎక్కి.. అయ్యప్పను దర్శించుకున్నారు.

అనంతరం ఇరుముడిని సమర్పించి ప్రతేక పూజలు నిర్వహించారు. శబరిమల క్షేత్రాన్ని దర్శించుకున్న తొలి ప్రెసిడెంట్ గా ద్రౌపది ముర్ము నిలిచారు.

దర్శనం అనంతరం రాష్ట్రపతి ద్రౌపది ముర్ము ఆలయం వద్ద ఏర్పాటు చేసిన ప్రత్యేక గదిలో రెండు గంటల పాటు బస చేయనున్నారు. అక్కడే ఆమె కోసం ప్రత్యేకంగా ఆహారాన్ని వడ్డించనున్నారు.

మధ్యాహ్నం 3.10 గంటల ప్రాంతంలో ముర్ము శబరిమల నుంచి బయలుదేరనున్నారు.