మన్మోహన్ సింగ్ గురించి మీకు తెలియని విషయాలు ఇవే!

మన్మోహన్ సింగ్ 2004 నుంచి 2014 మధ్య రెండు సార్లు కాంగ్రెస్ నేతృత్వంలో UPA ప్రభుత్వానికి ప్రధానమంత్రిగా ఉన్నారు. అలాగే మాజీ ప్రధానమంత్రి నరసింహారావు హయాంలో 1991 నుంచి 1996 మధ్య ఐదు సంవత్సరాలు దేశ ఆర్థిక మంత్రిగా పనిచేశారు.

మన్మోహన్ సింగ్ లోక్ సభ ఎన్నికల్లో ఎప్పుడూ గెలవలేదు. అయితే 1991లో ఆయన కాంగ్రెస్ నుంచి రాజ్యసభకు నామినేట్ అయ్యారు.

రాజ్యసభలో మన్మోహన్ సింగ్ ఐదు సార్లు అస్సాంకు ప్రాతినిధ్యం వహించారు. ఆ తర్వాత 2019లో రాజస్థాన్‌కు మారారు. ఈ ఏడాది ఏప్రిల్‌లో ఆయన పదవీకాలం ముగిసింది.

మన్మోహన్ సింగ్ ఒక సాధారణ కుటుంబం నుంచి వచ్చారు. విద్య, ఇలక్ట్రిసిటీ, తాగు నీరు వంటి మౌలిక సౌకర్యాలు లేని ఒక చిన్న గ్రామంలో నివసించారు. కిరోసిన్ ల్యాంప్ కింద చదువుకునేవారు.

గాహ్ పాకిస్థాన్ ప్రావిన్స్ పంజాబ్ లో జన్మించిన ఆయన 1947లో భారత విభజన సమయంలో, మన్మోహన్ సింగ్ కుటుంబం అమృత్‌సర్‌కు వలస వెళ్లి కొత్తగా జీవితం మొదలుపెట్టింది.

2004లో భారతదేశానికి ప్రధానమంత్రిగా ఎంపికైన మొదటి హిందువేతర వ్యక్తి మన్మోహన్ సింగ్.

మన్మోహన్ సింగ్ కి ప్రతిరోజు తిరోజూ ఉదయం BBC న్యూస్ అనుసరించడం అలవాటు.

1993లో యూరోమనీ, ఆసియామనీ సంస్థలు సింగ్‌ను "ఫైనాన్స్ మినిస్టర్ ఆఫ్ ది ఇయర్"గా ఎంపిక చేశారు.

రిజర్వ్ బ్యాంక్ ఆఫ్ ఇండియా గవర్నర్లుగా పనిచేసి.. ఆర్ధిక మంత్రులుగా బాధ్యతలు నిర్వహించిన ఇద్దరు వ్యక్తుల్లో మన్మోహన్ సింగ్ ఒకరు. మరొకరు CD దేశ్‌ముఖ్.

అంతేకాదు ఇప్పటివరకు ప్రధానిగా బాధ్యతలు చేపట్టిన నలుగురు ఆర్థిక మంత్రుల్లో మన్మోహన్ సింగ్ ఒకరు. మన్మోహన్ సింగ్ తో పాటు ఆర్ధిక మంత్రులుగా పనిచేసిన మోరార్జీ దేశాయ్, చరణ్ సింగ్, వై.పీ. సింగ్ ప్రధానులుగా ఎంపికయ్యారు.

మన్మోహన్ సింగ్ హిందీ అనర్గళంగా మాట్లాడగలిగినప్పటికీ.. భాషలో ప్రావీణ్యం కారణంగా ఆయన ప్రసంగాలు ఎక్కువగా ఉర్దూలోనే ఉంటాయి.