/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/11/FotoJet-2023-11-21T143817.744-jpg.webp)
Chiranjeevi Reacts on Mansoor Ali khan comments: ఇటీవలే ఓ ఇంటర్వ్యూ లో పాల్గొన్న మన్సూర్ ఆలీఖాన్.. 'లియో' చిత్రంలో నటి త్రిష పై అత్యాచార సన్నివేశం లేకపోవడం చాలా బాధాకరమని మాట్లాడారు. ఈ వీడియో ప్రస్తుతం సోషల్ మీడియాలో వైరలవుతున్న సంగతి తెలిసిందే. మన్సూర్ అలీఖాన్ త్రిష పై చేసిన అభ్యంతరకరమైన వ్యాఖ్యల పై ఇప్పటికే మహిళా కమీషన్ తీవ్రంగా స్పందిస్తూ కేసు నమోదు చేయాలనీ తమిళనాడు పోలీసులకు జారీ చేసింది. ఇక ఈ వ్యాఖ్యల పై పలువురు సెలబ్రెటీలు తీవ్రంగా మండిపడుతున్నారు. ఇప్పటికే టాలీవుడ్ నటుడు నితిన్, మంత్రి రోజా ఇలాంటి కామెంట్స్ చేయడం సరికాదని ఖండించారు.
Also Read: త్రిష రేప్‌ సీన్‌ ఇష్యూపై స్పందించిన జాతీయ మహిళా కమిషన్‌.. ఏం చెప్పిందంటే
తాజాగా ఈ వివాదం పై మెగాస్టార్ చిరంజీవి కూడా తన ట్విట్టర్ వేదిక పై స్పందించారు. "తమిళ నటుడు మన్సూర్ అలీఖాన్ త్రిష పై చేసిన వ్యాఖ్యలు నా దృష్టికి వచ్చాయి. ఈ వ్యాఖ్యలను తీవ్రంగా ఖండించాలన్నారు. ఇలాంటి వ్యాఖ్యలు ఒక ఆర్టిస్ట్ కు మాత్రమే కాదు ప్రతీ అమ్మాయికి ఇబ్బంది కలిగేలా అసహ్యంగా ఉన్నాయన్నారు. మన్సూర్ అలీఖాన్ వక్ర బుద్దితో కొట్టుమిట్టాడుతున్నారని విమర్శించారు. ఈ విషయంలో త్రిషకు మాత్రమే కాదు.. ఇలాంటి వ్యాఖ్యలకు బాధితులైన ప్రతీ మహిళకు అండగా ఉంటానని" తెలిపారు. మెగాస్టార్ ఈ విషయం పై స్పందించడంతో.. ఆయన అభిమానులు సంతోషం వ్యక్తం చేశారు. ఇలాంటి వాళ్ళను ఇండస్ట్రీ నుంచి తరిమేయాలని మన్సూర్ అలీఖాన్ పై కామెంట్స్ చేస్తున్నారు.