2024లో ప్రపంచాన్ని వణికించిన భయంకరమైన వ్యాధులివే.. ఇందులో మీకు ఏదైనా సోకిందా?

ఈ వ్యాధులు వ్యాప్తి దేశంలోని మిలియన్ల ప్రజలను ప్రభావితం చేసింది. అంతేకాదు ప్రపంచ ఆరోగ్య వ్యవస్థ పై కూడా తీవ్ర ఒత్తిడిని కలిగించాయి. అవేంటో ఇప్పుడు తెలుసుకుందాం..

మంకీ పాక్స్

2024లో బయటపడిన మంకీ పాక్స్ వైరస్ ప్రపంచవ్యాప్తంగా ప్రజలను వణికించింది. వరల్డ్ హెల్త్ ఆర్గనైజషన్ ప్రకారం.. 2024 జూన్ 12 నాటికి ప్రపంచవ్యాప్తంగా 97,281 మంకీపాక్స్ కేసులు నమోదయ్యాయి.

దీనిని ఒక అంటూ వ్యాధిగా గుర్తించారు. ఈ వ్యాధి కారణంగా 208 మంది ప్రాణాలు కోల్పోయారు. ఆఫ్రికా, ఐరోపా, ఆసియా దేశాల్లో ఈ వ్యాధి వ్యాపించింది.

డెంగ్యూ

డెంగ్యూ జ్వరం 2024లో ఆసియా, దక్షిణ అమెరికా, ఆఫ్రికాలో దేశాల్లో ఎక్కువగా వ్యాపించింది. ఆసియా ఖండంలోని దేశాల్లో తీవ్ర వర్షాల కారణంగా డెంగ్యూ కేసులు పెరిగాయి.

ప్రపంచ ఆరోగ్య సంస్థ ప్రకారం.. 2024 ఏప్రిల్ 30 నాటికి 7.6 మిలియన్లకు పైగా డెంగ్యూ కేసులు నమోదయ్యాయి. 3000 మందికి పైగా ప్రాణాలు కోల్పోయారు.

కోవిడ్ 19 XBB వేరియంట్

2024లో మరోసారి కరోనా కలకలం రేపింది. కరోనా కొత్త వేరియంట్ XBB ప్రపంచవ్యాప్తంగా ప్రజలను తీవ్ర భయాందోళనలకు గురిచేసింది. ఈ వేరియంట్ కోవిడ్ వాక్సిన్ ప్రభావాన్ని తగ్గించడమే కాకుండా చాలా మంది ప్రాణాలు కోల్పోయేలా చేసింది. ఇది చిన్నపిల్లలు, వృద్ధుల పై ఎక్కువగా ప్రభావం చూపింది.

నిపా వైరస్

కేరళ రాష్ట్రంలో నిపా వైరస్ వ్యాప్తి ఎక్కువగా కనిపించింది. ఈ వ్యాధి గబ్బిలాలు, పందుల ద్వారా వ్యాప్తి చెందుతుందని గుర్తించారు. ఇది కూడా ఒక రకమైన అంటు వ్యాధి. దీని కారణంగా కేరళలో ఎంతో మంది చనిపోయారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.