అబ్బాయిలు.. జుట్టు విపరీతంగా రాలుతోందా..? ఇలా చేయాల్సిందే

శరీరానికి సరైన పోషకాలు, సప్లిమెంట్స్ అందకపోవడమే, అనారోగ్యమైన అలవాట్ల కారణంగా జుట్టు రాలడం మొదలవుతుంది. ముఖ్యంగా అబ్బాయిల్లో జుట్టు రాలడాన్ని తగ్గించడానికి ఈ సప్లిమెంట్స్ అద్భుతంగా పనిచేస్తాయి. అవేంటో ఇపుడు తెలుసుకోండి..

విటమిన్ ఈ

విటమిన్ ఈ అద్భుతమైన యాంటీ ఆక్సిడెంట్. ఇది జుట్టు కుదుళ్లను బలంగా తయారు.. చేసి జుట్టు రాలే సమస్యను తగ్గిస్తుంది. ఆకుకూరలు, ఆల్మండ్స్, గుమ్మడికాయ వంటి పదార్థాల్లో విటమిన్ ఈ పుష్కలంగా ఉంటుంది.

ఒమేగా 3 ఫ్యాటీ యాసిడ్స్

ఆహారంలో ఒమేగా 3 యాసిడ్స్ తీసుకోవడం జుట్టు పెరుగుదలకు సహాయపడుతుంది. ఇది స్కాల్ప్ ఆరోగ్యాన్ని మెరుగుపరచి.. జుట్టు పెరుగుదలను ప్రోత్సహిస్తుంది.

బయోటిన్

బయోటిన్ జుట్టు పెరుగుదలలో కీలక పాత్ర పోషిస్తుంది. ఇది హెయిర్ ఫాలికల్స్ ని బలోపేతం చేసి జుట్టు రాలడాన్ని తగ్గిస్తుంది. అంతేకాదు కుదుళ్లకు మంచి పోషణను అందిస్తుంది. మీట్, మష్రూమ్, అవకాడో, స్వీట్ పొటాటో లో బయోటిన్ పుష్కలంగా ఉంటుంది.

జింక్

జుట్టు రాలే సమస్య ఉన్నవారు జింక్ పుష్కలంగా ఉండే పదార్థాలు ఎక్కువగా తీసుకోవడం ప్రయోజనకరంగా ఉంటుంది. జింక్ ప్రోటీన్ గ్రహించి జుట్టు పెరుగుదలను ప్రోత్సాహిస్తుంది.

సెలీనియం

సెలీనియం హెయిర్ ఫోలికల్స్‌ను బలోపేతం చేస్తుంది. ఇది స్కాల్ప్‌లో మంటను తగ్గించి జుట్టు రాలడాన్ని నియంత్రిస్తుంది. బీన్స్, సీఫుడ్స్, సోయా ప్రాడక్ట్స్ లో సెలీనియం పుష్కలంగా ఉంటుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.