గోముఖాసన వేస్తున్నారా.. ! మీ లైఫ్ బిందాస్

Gomukhasana:యోగా శారీరక ఆరోగ్యానికి మాత్రమే కాదు మానసిక ఆరోగ్యాన్ని కూడా మెరుగుపరుస్తుంది. యోగా శరీరాన్ని ఫిట్ గా కూడా ఉంచడంలో సహాయపడుతుంది. ముఖ్యంగా యోగాసనాలలో గోముఖాసనం  చేయడం వల్ల శరీరం పూర్తిగా సాగుతుంది.  అలాగే అనేక రకాల వ్యాధుల నుంచి  ఉపశమనం కలుగుతుంది. మహిళల్లో పిసిఒడి సమస్యను నిర్వహించడంలో ఈ ఆసనం ప్రభావవంతంగా పనిచేస్తుంది.  గోముఖాసనం చేయడం వల్ల కలిగే ప్రయోజనాలేంటో ఇప్పుడు తెలుసుకుందాం.. 

గోముఖాసనం చేసే విధానం

గోముఖాసనం చేసేముందు ఖాళీ కడుపుతో ఉండాలి.  మొదట యోగా మ్యాట్‌పై కూర్చొని ఎడమ కాలును తుంటి కిందకు తీసుకుని, ఆపై కుడి కాలును మరో కాలు మీదుగా క్రాస్ చేసి తుంటి దగ్గరికి తీసుకెళ్లండి. మీ కుడి చేతులను పైకి నిఠారుగా ఉంచండి. తర్వాత మీ ఎడమ చేతిని నడుము దగ్గర తిప్పి వెనక్కి తిప్పి పై నుంచి  వస్తున్న చేతిని పట్టుకోండి. ఇప్పుడు లోతుగా శ్వాస తీసుకోండి. నిపుణుల పర్యవేక్షణలో మాత్రమే  చేయాలి. 

గోముఖాసనం ప్రయోజనాలు

• లివర్,  కిడ్నీల పనితీరును మెరుగుపరచడానికి   గోముఖాసనం సహాయపడుతుంది. 
• ప్రతి రోజూ గోముఖాసనం చేయడం వల్ల ఆస్తమా నుంచి  ఉపశమనం లభిస్తుంది.  ఈ ఆసనం చేసే సమయంలో  ఛాతీ విస్తరించి.. కుంచించుకుపోయిన ఊపిరితిత్తులు తెరుచుకుంటాయి. తద్వారా శ్వాస సంబంధిత సమస్యలు దూరమవుతాయి. అలాగే వెన్నెముక నొప్పి  నుంచి  కూడా  ఉపశమనం లభిస్తుంది.

• ఆఫీసులలో నిరంతరాయంగా కూర్చొని పని చేయడం వల్ల భుజాలలో నొప్పి, మెడ నొప్పులు కలుగుతాయి. వీటి నుంచి ఉపశమనం పొందడానికి   గోముఖాసనం ప్రయోజనకరంగా ఉంటుంది.
• బ్యాక్ వంగి పోయిన వారికి గోముఖాసనం భంగిమను సరిచేయడంలో సహాయపడుతుంది. గోముఖాసనం నడుము, తుంటి నొప్పి నుంచి ఉపశమనం కలిగిస్తుంది.
• గోముఖాసనం చేయడం వల్ల  సయాటికా నొప్పి నుంచి ఉపశమనం లభిస్తుంది. తుంటి దగ్గర పించ్డ్ సిర తెరవడానికి, గోముఖాసనం చేయాలి.
• గోముఖాసనం నడుము, తుంటి నొప్పి నుంచి ఉపశమనం కలిగిస్తుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.