Onion: ఉల్లిపాయ తినడం మంచిదేనా? అధ్యయనాలు ఏం చెబుతున్నాయి?

Onion Side Effects: మనం రోజూ ఉపయోగించుకునే నిత్యవసర వస్తువుల్లో ఉల్లిపాయ ఒకటి. ఉల్లి తినడం వల్ల శరీరానికి కలిగే ప్రయోజనాలు అన్నీ ఇన్నీ కావు. ఉల్లిపాయ కేవలం కూరలకే కాదు.. అలాగే ఉల్లిపాయ జుట్టు, చర్మానికి సంబంధించిన సమస్యలను తగ్గించడంలో కూడా అద్భుతంగా పని చేస్తుంది. ముఖ్యంగా ఉల్లి రసం జుట్టుకు ఎంతో మేలు చేస్తుంది. ఉల్లిలో విటమిన్లు ఏ, బి, మెగ్నీషియం, పొటాషియం, కాల్షియం వంటి ఖనిజాలు ఉంటాయి. అలాగే ఉల్లి రసంలో రోగ నిరోధక శక్తి ఎక్కువగా ఉంటుంది. ఉల్లి రసంతో జుట్టు ఒత్తుగా పెరగడమే కాకుండా.. జుట్టు చిట్లిపోకుండా నిగనిగలాడేలా చేస్తుంది. అయితే ఉల్లి రసంతో ప్రయోజనాలే కాదు దుష్ప్రభావాలు కూడా ఉన్నాయని పలు అధ్యయనాలు చెబుతున్నాయి. మరి అవేంటి? ఎలాంటి జాగ్రత్తలు తీసుకోవాలో ఇప్పుడు తెలుసుకుందాం.

పచ్చి ఉల్లిపాయలను ఎక్కువగా తినడం వల్ల పేగుల్లో సాల్మొనెల్లా అనే బ్యాక్టీరియా వృద్ధి చెందుతుంది. ఉల్లిపాయలో ఫైబర్ అధికంగా ఉంటుంది. కాబట్టి ఇది కడుపులో అసౌకర్యాన్ని పెంచుతుంది. పచ్చి ఉల్లిపాయలు ఎక్కువగా తింటే దాని ఘాటైన వాసనలు నోటికి దుర్వాసనకు కారణమవుతాయి. పచ్చి ఉల్లిపాయలు ఎక్కువగా తినడం వల్ల కడుపులో అసౌకర్యం, మలబద్ధకం సమస్యలు ఉంటాయి.

ఉల్లిపాయ తింటే కొద్ది మందికి అలర్జీ వస్తుంది. అలాంటి వారు ఉల్లికి సంబంధించిన అన్ని విషయాలకు దూరంగా ఉండటమే బెటర్. ఉల్లి అంటే ఎలర్జీ ఉన్నవారు డైరెక్ట్ గా ఈ రసాన్ని జుట్టుకు రాకూడదు. అలాగే నేరుగా ఉల్లి రసాన్ని చర్మానికి రాయకూడదు. దీంతో దురద, దద్దర్లు రావొచ్చు. షుగర్ ఉన్నవారు ఉల్లి పాయలను అతిగా తీసుకోకూడదు. ఉల్లి పాయ రక్త స్రావం ప్రమాదాన్ని పెంచుతుంది. శస్త్ర చికిత్సలు చేసుకున్న అనంతరం ఉల్లికి దూరంగా ఉండటమే బెటర్. గర్భిణీ స్త్రీలు కూడా పరిమిత పరిమాణంలో ఉల్లిపాయలను తినాలి. గర్భిణీలు ఉల్లి రసాన్ని చర్మానికి కూడా రాయకూడదు.