IPC Vs BNS: కొత్త క్రిమినల్‌ చట్టాలు ఏం చెబుతున్నాయి? ఐపీసీకి బీఎన్‌ఎస్‌కు తేడా ఏంటి?

కొత్త క్రిమినల్ జస్టిస్ బిల్లులకు ఉభయసభలు ఆమోదం తెలిపిన విషయం తెలిసిందే. ఇప్పుడు దేశవ్యాప్తంగా ఇదే చర్చ జరుగుతోంది. ఇప్పటివరకు ఐపీసీ(IPC) సెక్షన్లు జనాలకు అలవాటైపోయాయి. ప్రజల్లో ఈ సెక్షన్ల గురించి నాలెడ్జ్ కూడా ఎక్కువే. అటు ఈ సెక్షన్ల నంబర్ల ఆధారంగానే పలు సినిమాలు కూడా తెరకెక్కాయి. 'అరేయ్‌ వాడు 420గాడురా' అని దొంగల గురించి మాట్లాడేటప్పుడు ప్రజలు అనుకుంటారు. అయితే భారతీయ శిక్షాస్మృతి (IPC) నుంచి ఇండియన్ జ్యుడీషియల్ కోడ్-భారతీయ న్యాయ సంహిత (BNS)కి చట్టాలు మారడంతో ఏం మార్పులు వచ్చాయన్నదానిపై ప్రజల్లో ఆసక్తి నెలకొంది. ఇంతకి ఈ రెండిటికి ఉన్న పోలికలు ఏంటి? బీఎన్‌ఎస్‌ బిల్లు ఐపీసీలో ఉన్న 22 నిబంధనలను రద్దు చేసింది. 8 కొత్త విభాగాలను ప్రవేశపెట్టింది. వలసరాజ్యాల కాలం నాటి ఐపీసీ చట్టాలను భర్తీ చేయనుంది. భారతీయ న్యాయ సంహితలో 358 సెక్షన్‌లు ఉంటాయ. అదే IPCలో 511 సెక్షన్‌లు ఉన్నాయి. బిల్లులో మొత్తం 20 కొత్త నేరాలను చేర్చారు. దేశద్రోహం నుంచి నకిలీ వార్తలు, మాబ్ లిన్చింగ్ వరకు శిక్షలకు సంబంధించిన నిబంధనలను మార్చారు.

Also Read: సీఈసీ, ఈసీ బిల్లుకు పార్లమెంటు ఆమోదం.. ఇక నుంచి ఆ బాధ్యత వారిదే..

➼ దేశద్రోహం: IPC (సెక్షన్ 124A) ప్రకారం దేశద్రోహ నేరాన్ని రద్దు చేయడం ఒక ప్రధాన మార్పు. BNS బిల్లు వేర్పాటు చర్యలు, సాయుధ తిరుగుబాటు, విధ్వంసకర కార్యకలాపాలు, వేర్పాటువాద కార్యకలాపాలు లేదా భారతదేశ సార్వభౌమాధికారం లేదా ఐక్యత, సమగ్రతకు అపాయం కలిగించడం వంటి కొత్త నేరాలను ప్రవేశపెడుతుంది. దీనికి జీవిత ఖైదు వరకు శిక్షలు ఉన్నాయి.

➼ ఉగ్రవాదం: మొదటిసారిగా, 'ఉగ్రవాదం' అనేది BNS బిల్లు కింద నేరంగా నిర్వచించబడింది. IPC క్రింద ఉగ్రవాదానికి నిర్వచనం లేదు.

➼ లైంగిక నేరాలలో లింగ తటస్థత: BNS బిల్లు వివిధ నేరాలను లింగ-తటస్థంగా చేస్తుంది. BNSలోని సెక్షన్ 69 ప్రకారం మోసపూరిత మార్గాల ద్వారా లేదా పెళ్లి చేసుకుంటానని తప్పుడు వాగ్దానాల ద్వారా లైంగిక సంపర్కం నేరంగా పరిగణించబడుతుంది.

➼ పరువు నష్టం: BNS బిల్లులో, పరువు నష్టం నేరానికి IPC విధించిన అదే శిక్ష విధించనున్నారు.

➼ హత్య: హత్యకు శిక్ష మారదు (జీవిత ఖైదు లేదా మరణశిక్ష). కానీ BNS బిల్లు జాతి, కులం లేదా ఇతర కారణాల ఆధారంగా సామూహిక హత్యలకు నిర్దిష్ట నిబంధనలను ప్రవేశపెట్టింది.

➼ స్నాచింగ్: 'స్నాచింగ్' కోసం కొత్త నిబంధన ప్రవేశపెట్టారు. మూడు సంవత్సరాల వరకు శిక్ష, జరిమానా ఉంటాయి.

➼ మహిళలు, పిల్లలపై లైంగిక నేరాలు: BNS బిల్లు లైంగిక వేధింపుల బాధితుల గుర్తింపును రక్షించడానికి కొత్త నిబంధనలను ప్రవేశపెట్టింది. అత్యాచారం శిక్షలో మార్పులను చేర్చింది.

➼ మాబ్ లించింగ్: BNS బిల్లు 'మాబ్ లిన్చింగ్'కు 7 సంవత్సరాల నుంచి యావజ్జీవ కారాగార శిక్ష లేదా మరణశిక్ష కూడా విధించే నిబంధనలను ప్రవేశపెట్టింది. మాబ్ లించింగ్ అంటే మూకదాడి.

➼ మెరుగైన శిక్షలు: BNS బిల్లు వివిధ నేరాలకు కఠినమైన శిక్షలను ప్రవేశపెడుతుంది. 18 సంవత్సరాల కంటే తక్కువ వయస్సు ఉన్న మహిళలపై సామూహిక అత్యాచారం చేస్తే మరణశిక్ష విధించే అవకాశం ఉంది.

➼ టెక్నాలజికల్ ఇంటిగ్రేషన్: టెక్నాలజీ వినియోగాన్ని నొక్కి చెబుతూ, BNS బిల్లు లైంగిక నేర బాధితుల స్టేట్‌మెంట్‌ల రికార్డింగ్ సమయంలో వీడియోగ్రఫీని తప్పనిసరి చేస్తుంది. మొత్తం చట్టపరమైన ప్రక్రియను డిజిటలైజ్ చేస్తుంది.

చట్టంలోని ఇతర కీలక విషయాలు:
➼ ఉగ్రవాద చర్యలకు మరణశిక్ష లేదా పెరోల్ లేకుండా జీవిత ఖైదు.

➼ ప్రజా సౌకర్యాలు లేదా ప్రైవేట్ ఆస్తులను ధ్వంసం చేయడం నేరం.

➼ వ్యవస్థీకృత నేరాలకు సంబంధించిన కొత్త క్రిమినల్ విభాగాన్ని జోడించారు.

➼ సిండికేట్‌లు చేసే చట్టవ్యతిరేక కార్యకలాపాలను శిక్షార్హులుగా మార్చారు.

Also Read: పూంచ్ దాడుల వెనుక చైనా? షాకింగ్‌ విషయాలు చెప్పిన డిఫెన్స్‌!

WATCH: