హైదరాబాద్ కు చెందిన ఖాజా రయీసుద్దీన్ 2011లో ఉపాధి కోసం లండన్ వెళ్లాడు. అప్పటి నుంచి వెస్ట్ యార్క్ షైర్ లోని లీడ్స్ లో నివసిస్తున్నాడు. ఇటీవల రైసుద్దీన్ కూతురి పెళ్లి నిశ్చయమైంది. ఈ నెల 5న హైదరాబాద్ లో కూతురు వివాహం జరగాల్సి ఉంది. దీంతో ఇండియాకు తిరిగి వచ్చేందుకు రయీసుద్దీన్ అన్నీ ఏర్పాట్లు చేసుకున్నాడు. కూతురు పెళ్లి కోసం హైదరాబాద్ వచ్చేందుకు స్నేహితుడితో కలిసి లండన్ విమానాశ్రయానికి వెళ్తున్న సమయంలో దుండగులు రైసుద్దీన్‌పై దాడికి పాల్పడ్డారని సమాచారం.

కత్తితో విచక్షణారహితంగా పొడవడంతో స్నేహితులిద్దరూ తీవ్ర గాయాలపాలయ్యారు. అనంతరం అతని వద్ద ఉన్న బంగారం, డబ్బు, విలువైన వస్తువులను దోచుకుని దుండగుడు పరార్ అయ్యారు. తీవ్ర రక్తస్రావం కారణంగా రయీసుద్దీన్ తో పాటు అతడి స్నేహితుడు కూడా చనిపోయాడని పోలీసులు తెలిపారు. ఈ కేసుకు సంబంధించి అనుమానితులను పోలీసులు అదుపులోకి తీసుకుని విచారిస్తున్నట్లు సమాచారం. కాగా, రయీసుద్దీన్ మృతదేహాన్ని వీలైనంత త్వరగా హైదరాబాద్ కు చేర్చేలా చూడాలని బాధిత కుటుంబం ప్రభుత్వానికి విజ్ఞప్తి చేసింది.