/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/10/paracetamol-jpg.webp)
ప్రస్తుతం దేశవ్యాప్తంగా ఫీవర్ సీజన్‌ నడుస్తోంది. ముఖ్యంగా హైదరాబాద్‌ లాంటి నగరాల్లో ఏ నలుగురిని పలకరించినా ఏదో ఒక ఆరోగ్య సమస్య చెబుతున్నారు. డెంగీ, టైఫాయిడ్‌, వైరల్‌ ఫీవర్ లాంటి సమస్యలతో ప్రజలు అల్లాడిపోతున్నారు. నిజానికి బ్లడ్‌ టెస్ట్ చేస్తే కానీ ఏ సమస్య ఉందో అర్థంకాదు. అయితే జ్వరం వచ్చిన వెంటనే ముందుగా అందరికి గుర్తొచ్చే ట్యాబ్లెట్‌ పారాసిటమాల్ మాత్రమే. టెంపరేచర్‌ని కంట్రోల్ చేయడానికి చాలామంది పారాసిటమాల్‌నే వాడుతారు. అప్పటికీ ఫీవర్ కంట్రోల్ అవ్వకపోతే ఆస్పత్రికి వెళ్తారు. అయితే ఇలా పదేపదే పారాసిటమాల్‌ని యూజ్ చేయడం ఏ మాత్రం మంచిది కాదు. చాలా మందికి సైడ్ ఎఫెక్ట్స్ వస్తుంటాయి.
పారాసిటమాల్‌ను ఎక్కువగా తీసుకుంటే ఈ మందు మిమ్మల్ని ఇబ్బంది పెడుతుంది. ఇతర మందుల మాదిరిగానే పారాసిటమాల్ వల్ల సైడ్ ఎఫెక్ట్స్ ఉంటాయి. తలనొప్పి, మైగ్రేన్, పీరియడ్స్ పెయిన్‌లకు కూడా పారాసిటమాల్‌ని వాడతాం.5-6 గంటల తర్వాత నొప్పి తగ్గిన తర్వాత మళ్లీ టాబ్లెట్ వేసుకుంటాం.
పారాసెటమాల్ దుష్ప్రభావాలు ఏమిటి?
➼ పారాసిటమాల్ ఎక్కువగా తీసుకోవడం వల్ల కలిగే సాధారణ దుష్ప్రభావాలు మగత, అలసట, దద్దుర్లు, దురద. పారాసిటమాల్‌ను ఎక్కువ కాలం తీసుకుంటే అది చాలా సమస్యలకు దారితీయవచ్చు.
అలసట
➼ శ్వాస తీసుకోవడంలో ఇబ్బంది
➼ మీ వేళ్లు, పెదవులు నీలం రంగులోకి మారుతాయి
➼ రక్తహీనత (తక్కువ ఎర్ర రక్త కణాల సంఖ్య)
➼ కాలేయం, మూత్రపిండాల సమస్య
➼ మీకు అధిక రక్తపోటు ఉంటే గుండె జబ్బులు, స్ట్రోక్
➼ పారాసిటమాల్ అధిక మోతాదు కడుపు నొప్పి, వికారం, వాంతులు.. కొన్నిసార్లు ఏకంగా కోమాకు దారితీస్తుంది.
పారాసిటమాల్ సాధారణంగా ఉపయోగించే నొప్పి నివారణ లేదా జ్వరాన్ని తగ్గించే మందు. ప్రిస్క్రిప్షన్ లేకుండా ఫార్మసీలలో మందులు సులభంగా కొనుగోలు చేస్తారు. ఇది మాదకద్రవ్యాల దుర్వినియోగానికి దోహదం చేస్తుంది. పెద్దలకు సాధారణ మోతాదు రోజుకు 2-3 గ్రాములు. పిల్లల మోతాదు, బరువు, వయస్సుపై ఆధారపడి ఉంటుంది. రెండు వరుస మోతాదుల మధ్య విరామం పెద్దలలో కనీసం 4-6 గంటలు, పిల్లలలో 10-12 గంటల వరకు ఉంటుంది. అధిక మోతాదుకు సాధారణ కారణాలు తలనొప్పి, శరీర నొప్పులు, నిరంతర అధిక జ్వరం. డెంగీ జ్వరం వల్ల కాలేయం దెబ్బతింటుంది. పారాసిటమాల్ అధిక మోతాదు మరింత తీవ్రమైన కాలేయం దెబ్బతినే ప్రమాదాన్ని పెంచుతుంది. డిహెచ్ఎఫ్ తరచుగా అలసటకు కారణమవుతుంది.
ఇక ఇటివలి కాలంలో డెంగీ కేసులు అమాంతం పెరిగిపోయాయి. ఈ వ్యాధి బారిన పడకుండా తీసుకోవాల్సి జాగ్రత్తలపై ఓ లుక్కేయండి.
డెంగీ రాకుండా తీసుకోవాల్సిన జాగ్రత్తలు
➼ మీరు ఫుల్ స్లీవ్ దుస్తులు లేదా ఫుల్ ప్యాంట్ ధరించేలా చూసుకోండి.
➼ ఆరుబయట ఉన్నప్పుడు దోమల నివారిణిని ఉపయోగించండి.
➼ మీ పరిసరాలను పరిశుభ్రంగా, నీరు నిలవకుండా ఉంచడం కూడా చాలా ముఖ్యం.
➼ క్రమం తప్పకుండా ఫ్యూమిగేషన్ కూడా దోమలను దూరంగా ఉంచడానికి సహాయపడుతుంది
ALSO READ: పాలు, తేనే కలిపి తాగితే ఏమవుతుందో తెలుసా..?