Bangalore : నీరు వృధా చేసిన 22 ఫ్యామిలీలకు రూ. 5 వేలు ఫైన్! 

Karnataka : కర్ణాటక(Karnataka) రాష్ట్రం, ముఖ్యంగా రాజధాని బెంగళూరు(Bangalore) కొద్ది రోజులుగా తీవ్ర నీటి కొరతను ఎదుర్కొంటోంది. నీరు వనరులను కాపాడుకునేందుకు ప్రభుత్వ అధికారులు, పలు కమ్యూనిటీలు పలు జాగ్రత్తలు తీసుకుంటున్నాయి. ఇందులో భాంగంగానే నీరు వృధా చేయకూడదని, జారీమాన వేస్తామని పలు ప్రకటనలు జారీ చేశారు. అయినప్పటికీ నిర్లక్ష్యంగా వ్యవహరించిన 22 కుటుంబాలపై ఐదు వేల జరిమానా విధించారు.

ఈ మేరకు కావేరి నీటిని అనవసరంగా వాడుకున్నందుకు బెంగళూరు వాటర్ సప్లై అండ్ సెవరేజ్ బోర్డు(BWSSB) 22 కుటుంబాల నుంచి రూ. 1.10 లక్షలు వసూల్ చేసినట్లు తెలిపింది. వారంతా కార్లు కడగటం, తోటకు నీళ్లు పట్టేందుకు తాగునీటిని ఉపయోగిస్తున్నట్టు సమాచారం అందడంతో చర్యలు తీసుకున్నట్లు అధికారులు తెలిపారు.