Crime: మద్యానికి బానిసైన తండ్రి.. మనస్థాపానికి గురైన కొడుకు ఏం చేశాడంటే?

Ananthapuram: శ్రీ సత్యసాయి జిల్లా పుట్టపర్తి మండలం వీరజిన్నయ్య పల్లిలో విషాదం చోటుచేసుకుంది. బీకాం చదువుతున్న విద్యార్థి విష్ణువర్ధన్  మనస్థాపానికి గురై ఆత్మహత్య చేసుకున్నాడు. ఇంట్లో ఎవరూ లేని సమయంలో ఉరేసుకుని బలవన్మరణం చెందాడు. స్థానికుల సమాచారం ప్రకారం.. విష్ణువర్ధన్ తండ్రి రాజేష్ మద్యానికి బానిసై కుటుంబ బాధ్యతలు పట్టించుకునే వాడు కాదు. తాగి ఎక్కడ పడితే అక్కడ పడిపోయేవాడు.

Also Read: హైదరాబాద్‌ పిల్లల అక్రమ రవాణా ముఠా.. చెప్పిన ముహూర్తానికి ఎత్తుకొస్తారట.. !!

ఈ తాగుడు విషయంపై తండ్రికొడుకుల మధ్య తరచూ గొడవలు జరుగుతుండేవి. ఎంత మంది చెప్పినా తండ్రి మారకపోవడంతో మనస్థాపానికి గురైన కుమారుడు విష్ణువర్ధన్ ఆత్మహత్య చేసుకున్నాడు.ఈ సంఘటనపై స్థానికులు పోలీసులకు సమాచారం అందించారు. ఘటనా స్థలానికి చేరుకున్న పుట్టపర్తి రూరల్ పోలీసులు మృతదేహాన్ని స్వాధీనం చేసుకుని కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేపట్టారు.