Junk Food Day: జంక్ ఫుడ్ డే ఎందుకు జరుపుకుంటారో తెలుసా..?

Junk Food Day: నేడు, జంక్ ఫుడ్ తినడం ప్రపంచవ్యాప్తంగా సాధారణ విషయం. అయితే జంక్ ఫుడ్ ఆరోగ్యానికి ఎంత హానికరమో మీకు తెలుసా మరియు ప్రతి సంవత్సరం జాతీయ జంక్ ఫుడ్ డే (junk food day) ఎందుకు జరుపుకుంటారు అనేది ఇప్పుడు తెలుసుకుందాం.

జంక్ ఫుడ్, కూల్ డ్రింక్స్ ఇష్టపడే వారు ప్రపంచవ్యాప్తంగా చాలా మంది ఉన్నారు. మనం సంపాదించినంత మాత్రాన మనం ఎలా అయినా తినొచ్చు అనే మాటలు తరచుగా చాలా మంది దగ్గర నుండి వింటూనే ఉంటాం ఇది మాత్రమే కాదు, రుచికరమైన ఆహారం కోసం ప్రజలు వందల వేల కిలోమీటర్లు ప్రయాణం చేసేవాళ్ళు కూడా ఉన్నారు.

జంక్ ఫుడ్ డే

జాతీయ జంక్ ఫుడ్ డేని ప్రతి సంవత్సరం ఈరోజు అంటే జూలై 21న జరుపుకుంటారు. జంక్ ఫుడ్ తినడం వల్ల అనారోగ్యానికి గురవుతారని అందరికి తెలిసిన విషయమే. కానీ కొంతమంది అలా కాదు తమ ఆరోగ్యంపై చాలా శ్రద్ధ తీసుకుంటారు, జంక్ ఫుడ్ తినరు. ఎందుకంటే అనారోగ్యం పాలవ్వటమే కాకుండా లావు అవుతాం అని చాలా మంది అభిప్రాయపడతారు, శరీరంలో కొవ్వు పేరుకుపోతుందని చాలా మంది నమ్ముతారు. దీని వల్ల బీపీ, షుగర్ వంటి అనేక వ్యాధులు వచ్చే ప్రమాదం ఉంది.

జంక్ ఫుడ్ డే ఎందుకు జరుపుకుంటారు?

భారతదేశంలోని పెద్ద నగరాలు మరియు పట్టణాల్లో ప్రజలు జంక్ ఫుడ్‌ను ఎక్కువగా తీసుకుంటారు. ఫుడ్ డెలివరీ యాప్స్ రావడంతో ఇంటి కిచెన్‌లో బయటి ఆహారం వచ్చి పడుతుంది. అయితే, ఆరోగ్య నిపుణుల అభిప్రాయం ప్రకారం, ఇంట్లో ఆహారాన్ని వండుకోవడం మంచిది. బయటి ఆహారం వల్ల భారతదేశంలో గుండె జబ్బులు, మధుమేహ వ్యాధిగ్రస్తుల సంఖ్య వేగంగా పెరుగుతోంది. కానీ ఏడాది పొడవునా జంక్ ఫుడ్ తినని వ్యక్తులు చాలా మంది ఉన్నారు. జంక్ ఫుడ్ డే అనేది అలాంటి వారి కోసం, తద్వారా వారు ఒక రోజు ఎటువంటి చింత లేకుండా రుచికరమైన ఆహారాన్ని రుచి చూడవచ్చు. అదే సమయంలో, బయట ఎక్కువగా తినే వ్యక్తులు దాని వల్ల కలిగే నష్టాన్ని కూడా అర్థం చేసుకునేలాగా ప్రజల్లో చైతన్యం కలుగుతుంది అనే ఉద్దేశం తో ఈ జంక్ ఫుడ్ డే ను జరుపుకుంటారు.

జంక్ ఫుడ్ మార్కెట్

ప్రపంచవ్యాప్తంగా జంక్ ఫుడ్ మార్కెట్ చాలా పెద్దది. భారతదేశంలోని ప్రతి నగరం మరియు గ్రామంలో, మీరు రోడ్డు పక్కన జంక్ ఫుడ్ అమ్మడం తరచూ చూస్తుంటారు. అంతే కాకుండా విదేశీ జంక్ ఫుడ్ అలవాటు కూడా భారతీయుల ఇళ్లలోకి పాకింది. ఇప్పుడు చాలా ఇళ్లలో పిజ్జా, బర్గర్‌లు, శాండ్‌విచ్‌లు, కుకీలు, చిప్స్, బుట్టకేక్‌లు, క్యాండీలు ఉన్నాయి. అయితే, ఇది ఆరోగ్యానికి హానికరం, కాబట్టి ప్రతి ఒక్కరూ జంక్ ఫుడ్‌ను నియంత్రించాలి. నేడు, భారతదేశంతో సహా ప్రపంచవ్యాప్తంగా ఉన్న ప్రజలకు జంక్ ఫుడ్ సులభంగా అందుబాటులో ఉంది, తద్వారా ప్రజలు తరచుగా బయటి నుండి ఆహారాన్ని ఆర్డర్ చేస్తున్నారు.

 Also Read: పిల్లల తగాదాల వల్ల తల్లిదండ్రులు ఇబ్బందులు పడుతున్నారా? ఇలా చేయండి!

జాతీయ జంక్ ఫుడ్ డే చరిత్ర

జంక్ ఫుడ్ అస్సలు తినని వారు ఒక్కరోజు తింటే ప్రత్యేకించి ఇబ్బంది ఉండదు. అందుకే ప్రపంచ దేశాలు ఈ రోజుకు ప్రాధాన్యతను ఇచ్చాయి. సమాచారం ప్రకారం, ఈ జంక్ ఫుడ్ రెండవ ప్రపంచ యుద్ధం సమయంలో ప్రారంభమైంది, ఆ సమయంలో ప్రజలు వివిధ దేశాలకు వలస వెళ్ళవలసి వచ్చింది. అలాంటి పరిస్థితుల్లో ప్రజలు తమ వద్ద ఉంచుకున్న ఆహారాన్ని తీసుకెళ్లేవారు. అయితే, ఈ ఆహారానికి 1970లలో చెడ్డ పేరు వచ్చింది. మైక్రోబయాలజిస్ట్ మైఖేల్ జాకబ్సన్ జంక్ ఫుడ్ అనే పదాన్ని ఉపయోగించారు, జంక్ ఫుడ్ శరీరానికి అత్యంత చెడ్డ ఆహారం అని ప్రబోధించాడు.